கொரோனா தடுப்பூசிக்கு எதிரான வீடியோக்கள்.. மொத்தமாக நீக்க போகிறோம்.. யூடியூப் அறிவிப்பு
சான் பிரான்சிஸ்கோ: சமூக வலைதளங்களில் கொரோனா நோய் குறித்த தவறான தகவலைத் தடுக்கும் முயற்சியாக , கொரோனா தடுப்பூசிகள் ஆபத்தானவை என்று தவறாகக் கூறும் வீடியோக்களை அகற்றப்போவதாக யூடியூப் அறிவித்துள்ளது.
உலகம் முழுவதும் பல நாடுகளில் கொரோனா தொற்று மீண்டும் வேகமெடுத்துள்ளது. இதற்கு முக்கிய காரணம் தடுபபூசி போடாதது. தடுப்பூசி பற்றிய கட்டுக்கதைகளை மக்கள் நம்பவுது முக்கிய காரணம் ஆகும். கூகுளில் ஏராளமான பொய்யான தகவல்கள் கொரோனா தடுப்பூசிகள் குறித்து கொட்டிக்கிடக்கின்றன.குறிப்பாக யூடியூபில் தடுப்பூசி குறித்து பயமுறுத்தும் வண்ணம் பல்வேறு மொழிகளில் வீடியோக்கள் உள்ளன.
இதுவும் கொரோனா பரவலை அதிகரிக்க காரணமாக உள்ளதாக புகார்கள் உள்ளது. இதையடுத்து சமூக வலைதளங்களில் கொரோனா நோய் குறித்த தவறான தகவலைத் தடுக்கும் முயற்சியாக , கொரோனா தடுப்பூசிகள் ஆபத்தானவை என்று தவறாகக் கூறும் வீடியோக்களை அகற்றப்போவதாக யூடியூப் அறிவித்துள்ளது.
தவறான தகவல்
ஏற்கனவே கோவிட் -19 தடுப்பூசிகள் பாதுகாப்பானவை என்று காட்டப்படும் தவறான தகவ;லகள் உட்பட, கொரோனா வைரஸ் சிகிச்சையில் தவறான கட்டுக்கதைகளை பரப்பும் பதிவுகளை வெளியிட வீடியோ பகிர்வு நிறுவனமான யூடியூப் ஏற்கனவே தடை செய்துள்ளது.
ஆனால் யூடியூப் தளம் மருத்துவ கோட்பாடுகள் குறித்து தவறான தகவல்கள் பரவுவதை கண்டு கவலை அடைந்துள்ளது. இது தொடர்பாக யூடியூப் வெளியிட்ட அறிக்கையில், "கொரோனா வைரஸ் தடுப்பூசிகள் பற்றிய தவறான கூற்றுகள் பொதுவாக தடுப்பூசிகள் பற்றிய தவறான தகவல்களுக்கு பரவுவதை நாங்கள் தொடர்ந்து பார்த்தோம். நாங்கள் இப்போது கோவிட் -19 உடன் ஆரம்பித்த வேலையை மற்ற தடுப்பூசிகளுக்கு விரிவுபடுத்துவதற்காக ட முன்னெப்போதையும் விட முக்கியமான ஒரு கட்டத்தில் இருக்கிறோம்."
வீடியோ நீக்கம்
உள்ளூர் சுகாதார அதிகாரிகள் மற்றும் WHO (உலக சுகாதார அமைப்பு) மூலம் அங்கீகரிக்கப்பட்ட மற்றும் பாதுகாப்பான மற்றும் பயனுள்ளவை என உறுதிப்படுத்தப்படும் தடுப்பூசிகள் மீது எங்கள் கொள்ளை விரிவாக்கம் செய்யப்படும். அதேநேரம் அம்மை மற்றும் ஹெபடைடிஸ் பி போன்ற நோய்களுக்கான வழக்கமான தடுப்பூசிகள் பற்றிய தவறான கூற்றுகள் யூடியூபிலிருந்து அகற்றப்படும். மேலும் கொரோனாவிற்காக அங்கீகரிக்கப்பட்ட தடுப்பூசிகள் வேலை செய்யவில்லை என்றோ அல்லது மோசமான விளைவு ஏற்படுத்தியாக கூறும் வீடியோக்களை நீக்க உள்ளோம்.
பொய்யான தகவல்
அங்கீகரிக்கப்பட்ட தடுப்பூசிகள் மன இறுக்கம், புற்றுநோய் அல்லது மலட்டுத்தன்மையை ஏற்படுத்துகின்றன அல்லது தடுப்பூசிகளில் உள்ள பொருட்கள் குறித்து பொய்யான தகவல் பரப்பப்படும் வீடியோக்களை அகற்றுவோம். எந்தவொரு குறிப்பிடத்தக்க புதுப்பிப்பைப் போலவே, எங்கள் அமைப்புகளும் இந்த அமலாக்கத்தை முழுமையாக அதிகரிக்க நேரம் எடுக்கும்" என்று யூடியூப் கூறியுள்ளது.
தடுப்பூசி எதிராக கூடாது
புதிய வழிகாட்டுதல்களுக்கு விதிவிலக்குகள் இருப்பதை யூடியூப் வலியுறுத்தி உள்ளது. தடுப்பூசி போட்டவர்கள் தங்களுக்கு ஏற்பட்ட தனிப்பட்ட அனுபவங்களை பகிரலாம். ஆனால் அந்த யூடியூப் வீடியோ தடுப்பூசி போடுவதற்கு எதிராகவோ அல்லது தடுப்பூசி போடுவதற்கு தயக்கத்தை ஏற்படுத்துவதாகவோ இருக்க கூடாது.
யூடியூப் தகவல்
கோவிட் -19 தடுப்பூசி கொள்கைகளை மீறியதற்காக கடந்த ஆண்டிலிருந்து 130,000 க்கும் மேற்பட்ட வீடியோக்களை நீக்கியுள்ளதாக யூடியூப் தெரிவித்துள்ளது. தனது கோவிட் தவறான தகவல் வழிகாட்டுதல்களை மீறியதற்காக ஜெர்மன் மொழி சேனல்களைத் தடுத்துள்ளது.
Click it and Unblock the Notifications
Sign in with Google