ஹலோ, என் கேர்ள் பிரண்ட்டைத் தொடாதீங்க.. ஒபாமாவை அதிர வைத்த சிகாகோ குடிமகன்

சிகாகோ: சிகாகோவில் அதிபர் பராக் ஒபாமாவுக்கு ஒரு அதிர்ச்சி காத்திருந்தது. கடைசியில் அது பலத்த சிரிப்பலைகளுடன் சமூகமாக முடிந்து போனதால் நிலைமை சகஜமானது.

சிகாகோவில் இடைத் தேர்தல் நடந்தது. இதில் வாக்களிப்பதற்காக பராக் ஒபாமா வந்திருந்தார். அவருக்கான வாக்குச் சாவடிக்குப் போன ஒபாமா அங்கு வாக்களிக்க வரிசையில் காத்திருந்தார்.

அவருக்கு முன்பு அயா கூப்பர் என்ற பெண்ணும்,அவருக்கு முன்பு கூப்பரின் காதலர் மைக்கும் நின்றிருந்தனர். அயா, தனக்குப் பின்னால் நின்றிருந்த ஒபாமாவிடம் சகஜகமாகப் பேசினார். இதைப் பார்த்த மைக், ஒபாமாவிடம் வந்து, என் காதலியைத் தொட்டுப் பேசாதீங்க என்று கூறினார்.

அதைக் கேட்டு அதிர்ச்சி அடைந்தார் ஒபாமா. உடனே மைக்கிடம், இ்லலை அப்படி ஒரு திட்டமே என்னிடம் இல்லை என்றார் பட்டென்று. இதைக் கேட்டு சங்கடமாகிப் போன மைக், ஒபாமாவிடம் ஸாரி கேட்டார்.

பின்னர் அயாவும், ஒபாமாவிடம் வருத்தம் தெரிவித்தார். அதற்கு ஒபாமா, காரணமில்லாமல் அவர் டென்ஷனாகி விட்டார். பொறாமைதான் என்று அயாவிடம் சிரித்தபடி கூறினார் ஒபாமா.

பின்னர் தொடர்ந்து, இதைப் பற்றி வீட்டுக்குப் போனதும், குடும்பத்தாரிடம், நண்பர்களிடம் சொல்லிமகிழலாம் என்று அயாவிடம் சிரித்தபடி கூறிய ஒபாமா, ஆமாம், உன் காதலர் பெயர் என்ன என்று கேட்டார்.

அதற்கு அப்பெண், அவரது பெயர் மைக் என்றார். பின்னர் ஒபாமா, மைக் இப்படிச் செய்வார் என்று நான் எதிர்பார்க்கவே இல்லை. அவர் ஒரு முட்டாள் என்றார். ஆமாம், அவர் முட்டாள்தான் என்று அயாவும் சிரித்தபடி கூறினார்.

இதைக் கேட்டு ஒபாமவும் வாய் விட்டுச் சிரித்தார். பின்னர் அந்தப் பெண்ணை செல்லமாக கட்டி அணைத்து கன்னத்தில் முத்தமிட்டார். பின்னர் அயாவிடம், இப்போது மைக்குக்கு ரொம்பப் பொறாமை வரும் பார் என்றும் சிரித்துக் கொண்டே கூறினார்.

பின்னர் அயா வெளியில் வந்து செய்தியாளர்களிடம் பேசுகையில், அதிபர் என்னைக் கட்டிப்பிடித்து செல்லமாக முத்தமிட்டார். கன்னத்தில் மட்டுமே முத்தம் கொடுத்தார். மிஷல், தயவு செய்து என்னை விரட்டிக் கொண்டு வந்து விடாதீர்கள் என்றார் சிரித்தபடி.

English summary

President Obama found himself in an unusual situation Monday. As he was casting his ballot early in Chicago, minding his own business behind the voting booth, a young man walked by and warned him “don’t touch my girlfriend.” The girlfriend, Aia Cooper, who was voting in the booth next to Obama, was humiliated, to say the least. “I really wasn’t planning on it,” Obama joked with the woman. “There’s an example of a brother just embarrassing you, just for no reason whatsoever.”