நாங்க ரெடி!நீங்க ரெடியா! ஒரு கை பார்த்துவிடுவோம்! கேப்பில் கிடா வெட்டிய செல்லூர் ராஜூ! பாஜக கலக்கம்
மதுரை: நாடாளுமன்றத் தேர்தலில் எல்லோரும் தனித்து களம் காண்போம் எனக் கூறி பாஜகவை கலக்கம் அடைய வைத்திருக்கிறார் அதிமுக முன்னாள் அமைச்சர் செல்லூர் ராஜூ.
தனித்து போட்டியிடத் தயாரா என திமுகவுக்கு சவால் விடுவது போல் செல்லூர் ராஜு பேசியிருந்தாலும் கூட, அதன் உள் அர்த்தம் அதிமுக கூட்டணியிலிருந்து பாஜகவை கழற்றிவிடுவதற்கான திட்டமோ என சந்தேகிக்கப்படுகிறது.
நாடாளுமன்றத் தேர்தலில் திமுக 4 தொகுதிகளில் வெற்றிபெறுவதே பெரிய விஷயம் என்றும், இதில் 40 தொகுதியில் எப்படி வெற்றிபெற முடியும் எனவும் கிண்டல் அடித்துள்ளார்.
செல்லூர் ராஜூ
அதிமுக முன்னாள் அமைச்சர் செல்லூர் ராஜூ பேசியுள்ள விவகாரம் ஒன்று, அதிமுக -பாஜக கூட்டணியில் அதிர்வலைகளை ஏற்படுத்தியுள்ளது. நாடாளுமன்றத் தேர்தலில் அனைத்துக் கட்சிகளும் தனியாக நிற்போம், கொள்கைகளை கூறி வாக்குக் கேட்போம், மக்கள் யாருக்கு வாக்களிக்கிறார்கள் என்பது தெரிந்துவிடும் எனக் கூறியிருக்கிறார் செல்லூர் ராஜூ. இவர் பேசியது திமுகவுக்கு சவால் விடுவது போல் வெளியே தெரிந்தாலும் அதிமுக கூட்டணியிலிருந்து பாஜகவை கழற்றிவிடும் முயற்சியோ என சந்தேகிக்கப்படுகிறது.
தனித்து போட்டி
அதிமுக -பாஜக கூட்டணி நீடித்து வரும் நிலையில் திடீரென தனித்து போட்டியிடத் தயார் என்று செல்லூர் ராஜூ பேசியது ஏன் என, பாஜக தரப்பு காரணத்தை கண்டறிந்து வருகிறது. இதனிடையே கூட்டணி விவகாரத்தில் செல்லூர் ராஜூ மூலம் எடப்பாடி பழனிசாமி ஆழம் பார்க்கிறாரோ எனவும் இதற்கு அரசியலில் அர்த்தம் கற்பிக்கப்படுகிறது.
மொழித் திணிப்பு
இதனிடையே மொழிக்கொள்கையை பொறுத்தவரை அதிமுகவின் நிலைப்பாடு என்றுமே அண்ணாவின் நிலைப்பாடு தான் என்றும் யார் மொழியை திணித்தாலும் சரி அது மத்திய அரசாகவே இருந்தாலும் கூட ஒரு போதும் அதிமுக ஏற்காது எனத் தெரிவித்தார். செல்லூர் ராஜூவின் இந்தக் கருத்து அரசியல் ரீதியாக மிகுந்த முக்கியத்துவம் வாய்ந்ததாக பார்க்கப்படுகிறது.
வசீகரிக்கும் தலைவர்கள்
எம்.ஜி.ஆர்., ஜெயலலிதா, கருணாநிதி ஆகியோர் மக்களை வசீகரிக்கும் தலைவர்களாக திகழ்ந்தார்கள் என்றும் ஆனால் இன்று அத்தகைய ஆற்றல் கொண்ட தலைவர்கள் யாருமே இல்லை எனத் தெரிவித்தார். நாடாளுமன்றத் தேர்தலில் திமுக 4 தொகுதிகளில் வெற்றிபெறுவதே பெரிய விஷயம் என்றும், இதில் 40 தொகுதியில் எப்படி வெற்றிபெற முடியும் எனவும் செல்லூர் ராஜு கிண்டல் அடித்துள்ளார்.
Click it and Unblock the Notifications
Sign in with Google