ஐபோன் 17 வாங்க.. அதிகாலை முதல் வரிசையில் காத்திருக்கும் மக்கள்! மும்பை, டெல்லியில் கூட்ட நெரிசல்
மும்பை: ஆப்பிள் நிறுவனம் சமீபத்தில் ஐபோன் 17 சீரிஸை வெளியிட்டிருந்தது. இன்று முதல் இந்தியாவில் இது விற்பனைக்கு கிடைக்கும் என்று அறிவிக்கப்பட்டிருந்த நிலையில், இதை வாங்குவதற்காக, மும்பை மற்றும் டெல்லியில் உள்ள ஐபோன் ஷோரூம்களுக்கு வெளியே வாடிக்கையாளர்கள் அதிகாலை முதல் காத்திருக்கின்றனர். பலர் கடைகள் திறப்பதற்கு பல மணி நேரத்திற்கு முன்பே காத்திருக்கத் தொடங்கினர், சிலர் நள்ளிரவிலேயே வந்துவிட்டனர்.
மும்பையின் பாந்த்ரா குர்லா காம்ப்ளக்ஸில் உள்ள ஷோருமில், சூரிய உதயத்திற்கு முன்பே கூட்டம் கூடத் தொடங்கியது. ஜோகேஷ்வரியில் இருந்து வந்த ஒரு வாடிக்கையாளர், "நான் அதிகாலை 3 மணி முதல் வரிசையில் நிற்கிறேன். இந்த ஃபோனுக்காக ஆறு மாதங்களாக காத்திருக்கிறேன், மிகவும் உற்சாகமாக இருக்கிறது" என்று கூறியிருக்கிறார்.
டெல்லியில் உள்ள சாகேட் கடையிலும் இதேபோல மக்கள் நீண்ட நேரமாக வரிசையில் காத்திருந்தனர். அங்கே முதலில் வந்தவர்களில் ஒருவரான இர்பான், "ஆரஞ்சு நிற ஐபோன் 17 ப்ரோ மேக்ஸை வாங்க நான் நேற்று இரவு 8 மணி முதல் காத்திருந்தேன். கேமரா, பேட்டரி, வடிவமைப்பு என அனைத்தும் இந்த முறை மேம்படுத்தப்பட்டுள்ளன" என்று கூறினார்.
இந்தியாவில் ஐபோன் 17 தொடரின் விலை ₹82,900 முதல் ₹2,29,900 வரை நிர்ணயிக்கப்பட்டுள்ளது. முன்பதிவு செய்த வாடிக்கையாளர்களுக்கும், நேரடியாக வந்து வாங்குபவர்களுக்கும் ஃபோன்கள் இன்று விற்பனைக்கு வந்தன.
ஐபோன்களை மேலும் மலிவாக மாற்றுவதற்காக, ஆப்பிள் சிறப்பு சலுகைகளை வழங்குகிறது. ஆப்பிளின் முக்கிய விநியோகஸ்தரான இன் கிராம் மைக்ரோ, ஐபோன் 17க்கு ₹6,000 உடனடி கேஷ்பேக்கும், ப்ரோ, ப்ரோ மேக்ஸ் மற்றும் ஏர் மாடல்களுக்கு ₹4,000 கேஷ்பேக்கும் வழங்குகிறது. மேலும், ஆறு மாதங்கள் வரை வட்டியில்லா EMI விருப்பங்களையும் அவர்கள் அளிக்கின்றனர்.
பழைய ஃபோன்களை மாற்றும் வாடிக்கையாளர்கள் ₹7,000 வரை கூடுதல் போனஸைப் பெறலாம். முக்கிய வங்கிகள் மூலம் 24 மாதங்கள் வரை எளிதான EMI திட்டங்களும் கிடைக்கின்றன என்பது குறிப்பிடத்தக்கது.
Click it and Unblock the Notifications
Sign in with Google