Pune violence: சோஷியல் மீடியாவில் சர்ச்சை கருத்து.. இரு தரப்பினர் மோதல்! புனேவில் கலவரம்

மும்பை: மகாராஷ்டிரா மாநிலம் புனேவில், சோஷியல் மீடியாவில் சர்ச்சைக்குரிய பதிவு இடப்பட்டதைத் தொடர்ந்து, இரு தரப்பினரிடையே மோதல் வெடித்திருக்கிறது. மோதல் காரணமாக கல்வீச்சு, தீ வைப்பு உள்ளிட்ட சம்பவங்கள் ஏற்பட்டிருக்கின்றன.

புனேவின் டவுண்ட் தெஹ்ஸில் உள்ள யாவத் கிராமத்தில் இந்த வன்முறை வெடித்திருக்கிறது. இங்கு இரண்டு வெவ்வேறு சமூகத்தை சேர்ந்த மக்கள் கணிசமாக வசித்து வருக்கின்றனர். இந்நிலையில், ஒரு சமூகத்தை சேர்ந்த இளைஞர், இன்னொரு சமூகத்தை சீண்டும் வகையில் சர்ச்சைக்குரிய பதிவை சோஷியல் மீடியாக்களில் பதிவிட்டிருக்கிறார்.

இதனால், கோபமடைந்த மற்றொரு சமூகத்தினர் சண்டையில் குதித்தனர். அவர்களை எதிர்கொள்ள இந்த சமூகத்தினரும் களத்தில் இறங்கியதால், மோதல் வெடித்திருக்கிறது.

ஒரு வார்த்தை முன்பு இதே கிராமத்தில் மற்றொரு சம்பவம் நடந்தது. அந்த சம்பவத்தால் ஏற்கனவே இரு சமூகத்தினருக்கும் இடையே பதட்டமான சூழல் நிலவி வருகிறது. எப்படி இருக்கும்போது தற்போது சோசியல் மீடியா பதிவு மூலம் இரு சமூகத்தினருக்கிடையே மோதல் வெடித்திருப்பது அச்சத்தை ஏற்படுத்தி இருக்கிறது.

இந்த மோதல் வன்முறையாக வெடித்துள்ள நிலையில் வன்முறையை கட்டுப்படுத்த போலீசார் களம் இறக்கப்பட்டிருக்கின்றனர். இருப்பினும் இரு பிரிவு மக்களும் வீதியில் இறங்கி போராட்டத்தை மேற்கொண்டு வருகின்றனர். அவர்கள் கட்டிடங்களை சேதப்படுத்தியும், பைக்குகள் உள்ளிட்ட வாகனங்களை தீவைத்து எரித்தும் வருகின்றனர்.

#WATCH | Maharashtra: Special Inspector General (IG) for Kolhapur, Sunil Phulari and SP Sandeep Singh Gill arrive at the area where tensions prevail in Pune.

Tense situation in Yavat village following an alleged objectionable social media post posted by a youth here. Police say… pic.twitter.com/kwKmH89Idl

— ANI (@ANI) August 1, 2025

இந்த சம்பவம் குறித்து போலீஸ் அதிகாரிகள் கூறுகையில், "கும்பலை கலைத்து சட்டம் ஒழுங்கை மீட்டெடுக்கும் நாங்கள் கண்ணீர் குண்டுகளை வீச வேண்டியதாயிற்று. கலவரத்தை தடுக்கும் நோக்கில் போலீசார் அதிக எண்ணிக்கையில் குவிக்கப்பட்டிருக்கின்றனர். அதேபோல கலவரத்தை தூண்டும் வகையில் பதிவிட்ட இளைஞரை நாங்கள் கைது செய்துள்ளோம்" என்று கூறியுள்ளனர்.

English summary

Pune violence(புனே கலவரம்): Violence erupted in Pune after an "objectionable" social media post sparked clashes, prompting police to fire tear gas as protesters hurled stones and torched a bike. Live updates.