மொசாட்.. அந்தப் பெயர் கேட்டாலே அதிரும்! கமேனி கோட்டைக்குள் புகுந்து 'ஸ்கெட்ச்' போட்டது எப்படி?
ஜெருசலேம்: உலக வரைபடத்தில் ஒரு சிறிய புள்ளி போன்ற நாடுதான் இஸ்ரேல். ஆனால், அதன் உளவு அமைப்பான மொசாட் (Mossad) நினைத்தால், உலகின் எந்த மூலையிலும் இருக்கும் எதிரியைத் தூக்க முடியும் என்பதற்கு இது மற்றுமொரு சாட்சி. ஈரானின் உச்ச தலைவர் கமேனி தங்கியிருந்த 'Leadership House' என்பது சாதாரண இடமல்ல; அது ஒரு இரும்புக்கோட்டை. அந்தப் பாதுகாப்பு வளையத்தை மொசாட் எப்படி உடைத்தது?
ஸ்கெட்ச்: பிப்ரவரி 28, காலை 8:00 மணி!
கடந்த சில மாதங்களாகவே, ஈரானின் ராணுவக் கிடங்குகள் மற்றும் அணுசக்தி மையங்களுக்குள் 'சைலன்ட்' ஆக நுழைந்து தகவல்களைச் சேகரித்து வந்தது மொசாட். இந்த ஆபரேஷனுக்கு இஸ்ரேல் வைத்த பெயர் 'ரோரிங் லயன்' (Roaring Lion).
மொசாட் கையாண்ட அந்த 4 தந்திரங்கள்:
உள்ளிருந்து வேலை செய்த 'கருப்பு ஆடுகள்': ஈரான் ராணுவத்தின் (IRGC) மிக உயர்மட்டத்திலிருந்தே சிலரைத் தனது பக்கம் இழுத்தது மொசாட். கமேனி எப்போது சுரங்கப் பாதைக்குச் செல்வார், அவரது குடும்பத்தினர் எப்போது அங்கு வருவார்கள் என்ற துல்லியமான நேரத்தைக் கொடுத்ததே இந்த 'உள்ளூர் ஆட்கள்' தான் என்கிறார்கள்.
டிஜிட்டல் மாயாஜாலம்: ஈரானின் வான் பாதுகாப்பு அமைப்புகளை (Air Defense Systems) ஒரே நேரத்தில் செயலிழக்கச் செய்தது மொசாட்டின் 'சைபர்' பிரிவு. இதனால் அமெரிக்கா மற்றும் இஸ்ரேலின் போர் விமானங்கள் உள்ளே நுழைந்தது கூடத் தெரியாமல் ஈரான் ராணுவம் விழிபிதுங்கி நின்றது.
டெலிகிராம் ரகசியம்: தாக்குதல் நடந்த சில நிமிடங்களிலேயே, மொசாட் தனது அதிகாரப்பூர்வ டெலிகிராம் சேனலில் ஈரானிய மக்களுக்கு ஒரு செய்தி அனுப்பியது: "நாங்கள் உங்கள் பக்கம் இருக்கிறோம், அரசுக்கு எதிராகப் புரட்சி செய்யுங்கள்." இது ஈரானிய உளவுத் துறையைக் குழப்பத்தில் ஆழ்த்தியது.
ஏவுகணைத் துல்லியம்: கமேனியின் இல்லத்தின் ஜன்னல் வழியாகப் பாய்ந்து செல்லும் அளவுக்குத் துல்லியமான ஏவுகணைகளை மொசாட் வழிகாட்டுதலின்படி இஸ்ரேல் ஏவியது. குறிப்பாக, கதிரியக்கக் கழிவுகளை அழிக்கும் திறன்கொண்ட 'மேக்னடிக் பாம்' ரகசியங்களையும் மொசாட் ஏற்கனவே சோதித்திருந்தது.
கிடோன் (Kidon) - அந்த ரகசியக் கொலைப்படை!
மொசாட்டில் 'கிடோன்' என்றொரு தனிப் பிரிவு உண்டு. இதன் பொருள் 'ஈட்டி' (Bayonet). இந்தப் பிரிவைச் சேர்ந்த ஏஜெண்டுகள் தான் கமேனியின் நடமாட்டத்தைக் கண்காணிக்கத் தேஹ்ரான் நகர வீதிகளில் மாறுவேடத்தில் சுற்றியிருக்கிறார்கள்.
கடந்த 2020-ல் ஈரான் அணு விஞ்ஞானி ஃபக்ரிசாதேவை, செயற்கைக்கோள் மூலம் இயக்கப்பட்ட இயந்திரத் துப்பாக்கியால் (AI machine gun) மொசாட் தீர்த்துக்கட்டியது நினைவிருக்கலாம். அதே போன்ற ஒரு அதிநவீனத் தொழில்நுட்பத்தைத்தான் இப்போதும் பயன்படுத்தியிருக்கிறார்கள்.
அமெரிக்காவுடன் 'கூட்டு' சேர்ந்த மொசாட்!
இந்த முறை மொசாட் தனியாகச் செயல்படவில்லை. அமெரிக்காவின் CIA மற்றும் பென்டகனுடன் இணைந்து 'ஆபரேஷன் எபிக் ஃபியூரி'-யின் ஒரு பகுதியாகச் செயல்பட்டது. "ராஜதந்திரம் தோல்வியுற்ற இடத்தில், ரகசியத் தாக்குதல் தொடங்குகிறது" என்பதே இஸ்ரேலின் தாரக மந்திரம்.
கமேனியின் மறைவை ஈரான் அரசு தொடக்கத்தில் மறைக்க முயன்றாலும், மொசாட் வெளியிட்ட அந்த 'Compound Satellite' படங்கள் ஈரானின் பொய்களை உடைத்து எறிந்தன. இதை தொடர்ந்தே ஈரான் கமேனி மறைவை உறுதி செய்தது. இப்போது அடுத்த கட்டமாக, ஈரானின் அடுத்த வாரிசு யார்? அவருக்கு மொசாட் வைத்திருக்கும் 'பரிசு' என்ன? என்ற பயம் தேஹ்ரான் முழுவதும் பரவியுள்ளது.
Click it and Unblock the Notifications
Sign in with Google