புதுக்கோட்டையில் பாஜக நிர்வாகி முருகானந்தம் வீட்டில் ED ரெய்டு! 7 கார்களில் வந்த 15 அதிகாரிகள் சோதனை

புதுக்கோட்டை: புதுக்கோட்டை மாவட்டத்தில் பாஜக, அதிமுக நிர்வாகிகளின் வீடுகளில் அமலாக்கத் துறை சோதனை நடத்தப்பட்டு வருகிறது. பாஜக மாவட்ட பொருளாளர் முருகானந்தம் வீட்டிலும் அவருடைய சகோதரர் பழனிவேல் வீட்டிலும் இந்த சோதனை நடைபெற்று வருகிறது.

அரசு கட்டடங்களில் ஒப்பந்த பணி மேற்கொண்டது தொடர்பாக இந்த சோதனை நடத்தப்பட்டு வருவதாக சொல்லப்படுகிறது. புதுக்கோட்டை மாவட்டத்திற்கு 7 வாகனங்களில் 15 அமலாக்கத் துறை அதிகாரிகள் சென்னையிலிருந்து வந்தனர்.

அவர்கள் இன்று காலை 7.30 மணி முதல் புதுக்கோட்டையில் உள்ள முருகானந்தம் வீட்டிலும் கடுக்காகாட்டில் உள்ள முருகானந்தத்தின் சகோதரரும் அதிமுக நிர்வாகியுமான பழனிவேல் வீட்டிலும் ஆலங்குடியில் மற்றொரு பழனிவேல் வீட்டிலும் சோதனை நடத்தப்பட்டு வருகிறது.

English summary

Enforcement Directorate raid at BJP and AIADMK activists house at pudukottai.