ஓடிவந்து 'குர்-ஆன்' பரிசளித்த இளைஞர்.. சட்டென அண்ணாமலை செய்த செயல்.. வீடியோவை பாருங்க

சிவகங்கை: காரைக்குடி செக்காலை சாலை பள்ளிவாசல் அருகே இளைஞர் ஒருவர் "குர்-ஆன்" பரிசளித்தார். அப்போது பாஜக மாநில தலைவர் அண்ணாமலை செய்த செயல் "என் மண் என் மக்கள்" யாத்திரையில் நெகிழ்ச்சியை ஏற்படுத்தி உள்ளது.

தமிழகம் முழுவதும் பாஜக மாநில தலைவர் அண்ணாமலை 'என் மண்,என் மக்கள்' யாத்திரை சென்று வருகிறார். கடந்த ஜூலை 28-ம் தேதி, மத்திய உள்துறை அமைச்சர் அமித் ஷாவால் ராமேசுவரத்தில் இந்த யாத்திரை தொடங்கி வைக்கப்பட்டது,.

அண்ணாமலையின் இந்த யாத்திரை ஒவ்வொரு நாளும் கிராமப் பகுதிகளில் 2 சட்டப்பேரவைத் தொகுதிகளையும், நகர்ப்புறங்களில் 4 தொகுதிகளையும் கடக்கும் வகையிலும் நடந்து வருகிறது. முதல்கட்டமாக 200 நாட்களுக்கு யாத்திரையை நடத்தப்படுகிறது. இதில் அண்ணாமலையுடன் பயணிக்க ஒரு லட்சத்துக்கும் மேற்பட்டோர் பதிவு செய்திருப்பதாகவும் கூறப்படுகிறது.

இஸ்லாமிய சகோதரன் அன்புடன் கொடுத்த குரானை பணிவுடன் பெற்றுக்கொண்ட "அன்புள்ள அண்ணாமலையார்" 💖 #EnMannEnMakkal pic.twitter.com/3HtHgpoWxZ

— Sanghi Prince🚩 (@SanghiPrince) August 2, 2023

ராமேஸ்வரத்தில் தொடங்கிய 'என் மண்,என் மக்கள்' யாத்திரை 6வது நாளில் ராமநாதபுரம் மற்றும் சிவகங்கை மாவட்டத்தை கடந்து புதுக்கோட்டை மாவட்டத்திற்கு தற்போது போய்விட்டது. புதுக்கோட்டை மாவட்டம் அறந்தாங்கியில் இந்த யாத்திரை ஆகஸ்ட் 2ம் தேதியான இன்று நடந்துள்ளது.

முன்னதாக சிவகங்கை மாவட்டம் காரைக்குடியில் யாத்திரை நடந்த போது, காரைக்குடி செக்காலை சாலை பள்ளிவாசல் அருகே இஸ்லாமிய இளைஞர் ஒருவர் "குர்-ஆன்" பரிசளித்து வாழ்த்து தெரிவித்தார். உடனே பாஜக மாநில தலைவர் அண்ணாமலை குரானை கண்ணில் வைத்து ஒத்திக்கொண்டார். அண்ணாமலையின் இந்த நடை பயணத்தின் போது, பாஜக மூத்த தலைவர் ஹெச் ராஜா உடன் இருந்தார். பாஜக நிர்வாகிகள் பலரும் அவருடன் யாத்திரை மேற்கொண்டு வருகிறார்கள்.

பாஜக மாநில தலைவர் அண்ணாமலை இன்று மாலை அறந்தாங்கி தொகுதியில் ஆயிரம் குழந்தைகளுக்கு பிரதமர் மோடியால் கொண்டுவரப்பட்ட "செல்வமகள்" திட்டத்தை துவங்கி வைத்து, அதன் முதல் தொகையை தமிழக பாஜகவே செலுத்தும் நிகழ்ச்சியையும் தொடங்கி வைத்தார்.

English summary

En Mann En Makkal: Do you know what Annamalai did to the young man who ran away and gifted 'Quran'? காரைக்குடி செக்காலை சாலை பள்ளிவாசல் அருகே இளைஞர் ஒருவர் "குர்-ஆன்" பரிசளித்தார். அப்போது பாஜக மாநில தலைவர் அண்ணாமலை செய்த செயல் "என் மண் என் மக்கள்" யாத்திரையில் நெகிழ்ச்சியை ஏற்படுத்தி உள்ளது.