"எப்படி இருக்கீங்க?".. மகளின் மழலை தமிழ் கேள்விக்கு தோனி பதில்.. வாவ் வீடியோ

சிட்னி: இந்திய அணியின் முன்னாள் கேப்டன் தோனி, தனது மகள் ஸிவாவுடன் தமிழில் உரையாடும் வீடியோவை இன்ஸ்டாகிராமில் பதிவிட்டிருக்கிறார். அது லட்சக்கணக்கில் லைக்குகள் அள்ளி வருகிறது.

ஆஸ்திரேலியாவுக்கு எதிரான தொடரிலிருந்து தோனிக்கு ஓய்வு அளிக்கப்பட்டுள்ளார். அதனால் இப்போதெல்லாம் தோனி தன் பெரும்பாலான நேரத்தை குடும்பத்தினருடன் செலவழித்து வருகிறார். மீதி நேரம் விளம்பர நிகழ்ச்சிகளில் பங்கெடுத்து கொள்கிறார்.

மழலை தமிழ்

ஆனால் எவ்வளவு பிஸியானாலும் தோனி தன் மகளை கொஞ்சுவதில் மட்டும் ஒரு சின்ன கேப் கூட விடுவதில்லை. மகள் செய்யும் குறும்புத்தனங்கள் ஆகட்டும், அவளது மழலை பேச்சாகட்டும், எதுவானாலும் அதை அப்படியே வீடியோ எடுத்து இணையத்தில் போட்டு விடுவார் தோனி.

தமிழில் உரையாடல்

அப்படித்தான் இப்போதும் ஒரு வீடியோ வெளியிட்டுள்ளார். இதில் என்ன ஸ்பெஷல் என்றால், தமிழில் இருவரும் பேசுகிறார்கள்!! அந்த வீடியோவில், `எப்படி இருக்கீங்க?' என ஸிவா மழலை தமிழில் கேட்க, `நல்லா இருக்கேன்' என தோனி தமிலேயே பதிலளித்துள்ளார்.

பிடித்து போயிற்று

இந்த வீடியோ சமூக வலைதளங்களில் வைரலாகி வருகிறது. ‘Greetings in Two languages' என்ற தலைப்பில் இதனை தோனி பதிவிட்டுள்ளார். கிரிக்கெட் பிரியர்களுக்கு மட்டும் இல்லாமல் ஒட்டுமொத்த தமிழர்களுக்கே இந்த வீடியோ மிகவும் பிடித்து போயிற்று.

- எப்படி இருக்கீங்க ?! 🤩
- நல்லா இருக்கேன் .. 😎

👑 டோனி - ஜிவா வைரல் வீடியோ 👌🤟 #Dhoni #ziva #viral #zivadhoni #ViralVideo pic.twitter.com/QtCpTwMK3K

— Oneindia Tamil (@thatsTamil) November 24, 2018

தோனி பதில்

இதனை தொடர்ந்து போஜ்புரி மொழியில் அதே கேள்வியை மகள் கேட்கிறார். அதற்கு போஜ்புரி மொழியிலேயே தோனி பதிலளிக்கிறார்.

செல்ல "தல"

என்னதான் பல மொழிகளில் தோனி பேசினாலும் தமிழில் பேசினாலே நமக்கு ஒரு தனி குதூகலம்தான். ஏற்கனவே சென்னையை தன்னுடைய 2-வது தாய்வீடு என்று அடிக்கடி தோனி சொல்வார். இதனாலேயே தோனியை நம்ம ஊர் ஆட்கள் "தல" என்று அவரை செல்லமாக கூப்பிட்டு வருகிறார்கள்.

லைக்குகள்

ஐபிஎல் விளையாட்டு போட்டிகளின்போது, அவர் ஒன்றிரண்டு தமிழ் வார்த்தை பேசினாலே அதற்கே கைதட்டல்கள் மைதானத்தில் காதை கிழிக்கும். அதுவும் "விசில் போடு" என்ற வார்த்தைக்கு இன்னமும் விசில்கள் பறந்து கொண்டுதான் இருக்கிறது. இந்நிலையில் தற்போது தோனி மகளுடன் பேசிய தமிழ் வீடியோவானது, லட்சக்கணக்கில் லைக்குகளை அள்ளி வருகிறது.

English summary

Dhoni speak Tamil video with his Daughter.. Video Goes Viral