இன்னிக்கு கொஞ்சம் வெப்பம் குறைவாம்.. சென்னையில் அதிகபட்சம் 102 டிகிரி வெயில்- வானிலை மையம் அறிவிப்பு

தமிழகத்தில் இன்று சற்று வெப்பம் குறைந்து காணப்படும் என்று சென்னை வானிலை ஆய்வு மையம் தெரிவித்துள்ளது.

சென்னை: தமிழகத்தில் வெப்பம் சற்று குறைந்து காணப்படும் என்று சென்னை வானிலை மையம் அறிவித்துள்ளது.

தமிழகத்தில் அக்னி வெப்பம் வாட்டி வதைத்து வருகிறது. காலையிலேயே வெயில் கொளுத்தும் நிலையில் மக்கள் வெளியில் தலை காட்ட முடியாமல் அவதிப்பட்டு வருகின்றனர். ஒரு சில இடங்களில் வெப்ப சலனம் காரணமாக மழை பெய்து வந்தாலும், சென்னை உள்ளிட்ட பகுதிகளில் மழை என்பது அரிதாகவே உள்ளது.

இந்நிலையில், தமிழகத்தில் பொதுவாக இன்று வெப்பம் குறைந்து காணப்படும் என்றும் சென்னை வானிலை ஆய்வு மையம் தெரிவித்துள்ளது. சென்னையில் அதிகபட்ச வெப்பநிலை 102 டிகிரி பாரன்ஹீட்டாக இருக்கும் என்றும் சென்னை வானிலை மையம் அறிவித்துள்ளது.

தமிழகத்தின் உள்மாவட்டங்களில் மழைக்கு வாய்ப்பு இருக்கிறது என்று கூறியுள்ள வானிலை மையம், கடலோர மாவட்டங்களிலும், புதுச்சேரியிலும் லேசான மழைக்கு வாய்ப்பு உள்ளதாவும் அறிவித்துள்ளது.

English summary

Chennai experienced 102 degree Farenheit today said Met office.