சென்னையில் 'மகிழ்ச்சி': இயக்குநர் பா. ரஞ்சித்துடன் ஜிக்னேஷ் மேவானி சந்திப்பு

திரைப்பட இயக்குநர் பா. ரஞ்சித்தை குஜராத் எம்.எல்.ஏ. ஜிக்னேஷ் மேவானி சந்தித்தார்.

சென்னை: குஜராத் சுயேச்சை எம்.எல்.ஏவும் தலித்துகளின் முகமாகவும் உருவெடுத்துள்ள ஜிக்னேஷ் மேவானி சென்னை வருகை தந்துள்ளார். இயக்குநர் பா. ரஞ்சித்தை ஜிக்னேஷ் மேவானி சந்தித்து பேசினார்.

பாஜகவின் இந்துத்துவா திணிப்புக்கு எதிராக குஜராத்தில் பல லட்சம் தலித்துகளை அணி திரட்டி நாட்டையே திரும்பிப் பார்க்க வைத்தவர் ஜிக்னேஷ் மேவானி. குஜராத் தேர்தல் களத்தில் தந்தை பெரியார் பெயரை உச்சரித்து வாக்கு சேகரித்தார்.

காங்கிரஸ் ஆதரவுடன் சுயேச்சையாக போட்டியிட்டு வென்று குஜராத் சட்டசபை உறுப்பினரார். இதனிடையே சென்னையில் சில நிகழ்ச்சிகளில் பங்கேற்க ஜிக்னேஷ் மேவானி வருகை தந்தார்.

குடிசை வாழ் மக்களுக்காக ஆளுநர் பன்வாரிலால் புரோஹித்தை சந்தித்து மனு அளித்தார். அம்பேத்கர் மணிமண்டபத்துக்கு சென்று மரியாதை செலுத்தினார்

With P. Ranjith, director of super duper hit film 'Kabali'. It was wonderful meeting him. Such a lovely person he is.Enjoyed Pongal with him pic.twitter.com/ZjRbKoRi9j

— Jignesh Mevani (@jigneshmevani80) January 14, 2018

இதைத் தொடர்ந்து இயக்குநர் பா. ரஞ்சித்தை அவரது வீட்டில் ஜிக்னேஷ் மேவானி சந்தித்து பேசினார். இச்சந்திப்பு தொடர்பாக பா. ரஞ்சித், ஜிக்னேஷ் மேவானி இருவரும் தங்களது ட்விட்டர் பக்கங்களில் மகிழ்ச்சியை வெளிப்படுத்தியுள்ளனர்.'

English summary

Gujarat MLA Jignesh Mewani has met Tamil film director Pa Ranjith in Chennai.