அரசியல் பயணத்தை தொடங்கிய கமலுக்கு நினைவுப் பரிசு வழங்கினார் கலாமின் பேரன் சலீம்!

ராமேஸ்வரம்: அப்துல்கலாம் வீட்டில் இருந்து அரசியல் பயணத்தை தொடங்கிய நடிகர் கமல்ஹாசனுக்கு கலாமின் பேரன் நினைவு பரிசு ஒன்றை வழங்கினார்.

ராமேஸ்வரத்தில் உள்ள அப்துல்கலாம் வீட்டிற்கு சென்ற நடிகர் கமல்ஹாசனை, கலாமின் பேரன சலீம் வரவேற்று வீட்டிற்குள் அழைத்து சென்றார். நடிகர் கமல்ஹாசன் கலாமின் அண்ணன் மீரான் மரைக்காயரிடம் ஆசி பெற்றார்.

பின்னர் வீட்டில் இருந்தவர்களிடம் கமல்ஹாசன் உரையாற்றினார். தங்களின் வீட்டில் இருந்து அரசியல் பயணத்தை தொடங்கும் நடிகர் கமல்ஹாசனுக்கு கலாமின் படம் பொறித்த நினைவுப்பரிசு ஒன்றை கலாமின் பேரன் வழங்கினார்.

அப்துல்கலாம் வீட்டிற்கு கமல் சென்றிருப்பதை முன்னிட்டு அங்கு ஏராளமான மக்கள் திரண்டுள்ளனர். கமலின் ரசிகர்கள் சாலையின் இருபுறம் நின்று அவருக்கு உற்சாக வரவேற்பு அளித்து வருகின்றனர்.

English summary

Actor Kamal haasan has started his political travel. Kamal haasan has gone to Kalam's house. He gets blessings from Kalam's brother. Kalam's grand son presented a memento to Kamal.