கட்சி ஆரம்பிக்கும் முன்பே கமலுக்கு முதல்வருக்கான கான்வாய் பாதுகாப்பு!

கட்சி ஆரம்பிக்கும் முன்பே நடிகர் கமல்ஹாசனுக்கு கான்வாய் பாதுகாப்பு அளிக்கப்பட்டுள்ளது.

மதுரை: கட்சி ஆரம்பிக்கும் முன்பே நடிகர் கமல்ஹாசனுக்கு கான்வாய் பாதுகாப்பு அளிக்கப்பட்டுள்ளது.

கான்வாய் என்பது ஒரு தொடராக வாகனங்கள் பயணிப்பது ஆகும். முக்கியப் பிரமுகர்களின் வாகன அணிவகுப்பை கான்வாய் என அழைப்பது வழக்கம்.

மாநில முதல்வர்களின் வாகன அணிவகுப்பில் பாதுகாப்பு வாகனங்கள், அதிகாரிகளின் வாகனங்கள் இணைந்து பயணிக்கும். சைரன் முழங்க கான்வாய் செல்வதே கெத்தாக இருக்கும்.

இந்நிலையில் கட்சி ஆரம்பிக்கும் முன்பே நடிகர் கமல்ஹாசன் விழா மேடைக்கு முதல்வருக்கான கான்வாய் பாதுகாப்புடன் சென்றுள்ளார். ஆனால் அது அவருக்கான கான்வாய் அல்ல.

டெல்லி முதல்வர் அரவிந்த் கெஜ்ரிவாலின் வருகையை முன்னிட்டு அவரது பயணத்திற்காக இந்த கான்வாய் பாதுகாப்பு ஏற்பாடு செய்யப்பட்டுள்ளது. டெல்லி முதல்வரும் கமல்ஹாசனும் ஒரே காரில் மதுரை ஒத்தக்கடை விழாமேடைககு செல்வதால் அவருக்கும் அந்த கான்வாய் பாதுகாப்பு வழங்கப்பட்டுள்ளது.

வழக்கமாக மாநில முதல்வர்களுக்கு வழங்கப்படும் கான்வாய் பாதுகாப்பு கட்சி ஆரம்பிக்கும் முன்பே கமலுக்கு கிடைத்திருப்பதை நல்ல அறிகுறியாக கருத்தும் அவரது ரசிகர்கள், கொண்டாடி வருகின்றனர்.

English summary

Kamal gets convoy protection before starting party. The convoy protection is for Delhi CM Aravind Kejriwal. Kamal and kejriwal travelling in a same car so Kamal also getting convoy protection.