"சீக்கிரம் குணமடைய வாழ்த்துகள்".. ராஜாவை இதை விட கிண்டலடிக்க முடியாது யாராலும்!

சென்னை: நடிகர் விஜய்யின் மதத்தை முன்வைத்து அரசியல் செய்து வரும் பாஜகவின் எச். ராஜாவுக்கு காங்கிரஸ் கட்சியின் கரூர் மாவட்டப் பிரமுகர் ஜோதிமணி நச்சென ஒரு பதிலளித்துள்ளார்.

விஜய்யின் வாக்காளர் அடையாள அட்டையையும், அவர் முன்பு வெளியிட்ட லெட்டரே பேடையும் டிவிட்டரில் வெளியிட்டு தேவையில்லாமல் வாங்கிக் கட்டிக் கொண்டிருக்கிறார் ராஜா. அவர் இந்த அளவுக்கு இறங்கிப் போய் அரசியல் செய்வதை யாரும் ரசிக்கவில்லை. மாறாக திட்டித் தீர்த்துக் கொண்டிருக்கிறார்கள்.

What does it make a difference? He is a Human,Tamilian,Indian the rest is irrelevant. Get well soon Mr.Raja!#WeLoveJosephVijay https://t.co/hJnwy0Wkk1

— Jothimani (@jothims) October 22, 2017

இந்தநிலையில் இதுகுறித்து ஜோதிமணி வெளியிட்டுள்ள டிவீட்டில் இதை கண்டித்துள்ளார். அதில், அதனால் என்ன.. அவர் ஒரு மனிதன், தமிழன், இந்தியன். இதைத் தவிர வேறு எல்லாமே பொருத்தமற்றவைதான் என்று கூறியுள்ள ஜோதிமணி, சீக்கிரம் குணமாகுங்கள் ராஜா என்று கூறி ராஜாவை கலாய்த்துள்ளார்.

English summary

TN Congress leader from Karur Jothimani has slammed H Raja for his Tweet on Vijay in her style.