அரசியல் நீங்க நினைக்கிற மாதிரி சினிமா படம் கிடையாது.. கமலுக்கு தமிழிசை அட்வைஸ்

சென்னை: அரசியல் ஒன்றும் திரைப்படம் கிடையாது என்று நடிகர் கமலுக்கு பாஜக தமிழக தலைவர் தமிழிசை சவுந்தரராஜன் பதிலடி கொடுத்துள்ளார்.

கமல் கட்சி தொடங்கப்போவதாக இன்று மீண்டும் அறிவித்த நிலையில், தமிழிசை நிருபர்களிடம் இவ்வாறு கூறினார். மேலும், அவர் கூறுகையில், நம்பிக்கைகளை புண்படுத்தும்படி பேசினால் மக்களே தக்க பதிலடி கொடுப்பார்கள். முதலில், கமல் களத்தில் இறங்கட்டும்; மக்கள் யாரை ஏற்றுக் கொள்கிறார்கள் என்பதை பொறுத்திருந்து பார்ப்போம் என்றார்.

முன்னதாக, பிரதமர் நரேந்திர மோடி நாளை சென்னை வருவதையொட்டி, சென்னை விமான நிலையத்தில் பாதுகாப்பு ஏற்பாடுகள், வரவேற்பு ஏற்பாடுகள் குறித்து மத்திய அமைச்சர் பொன்.ராதாகிருஷ்ணனுடன் சேர்ந்து, தமிழிசை ஆய்வு மேற்கொண்டார்.

English summary

BJP chief Tamilisai says to Kamal, that, politics is not like as Cinema.