வானில் மோதிக்கொண்ட ரஷ்ய ஹெலிகாப்டர்கள்.. 18 பேர் பலியான சோகம்

மாஸ்கோ: ரஷ்ய ஹெலிகாப்டர் வானில் ஒன்றன் மீது மற்றொன்று மோதிய விபத்தில் 18 பேர் பலியான சம்பவம் சைபீரியா பகுதியில் நடந்துள்ளது.

வட மேற்கு சைபீரியாவின் வான்கோர் பகுதியில் இந்த விபத்து நடந்துள்ளது. எம்ஐ-8 வகை ஹெலிகாப்டர் 15 பயணிகள், 3 பணியாளர்களுடன் ஹெலிபேடில் இருந்து மேலே கிளம்பியபோது, மேலே பறந்து கொண்டிருந்த மற்றொரு சரக்கு ஹெலிகாப்டர் மீது மோதியது.

இதையடுத்து பயணிகள் ஹெலிகாப்டர் கீழே நொறுங்கி விழுந்த

தில், 18 பேரும் பரிதாபமாக பலியானார்கள். மற்றொரு ஹெலிகாப்டர் பத்திரமாக தரையிறங்கிவிட்டது.

எண்ணை கிணறு பகுதிக்கு தொழிலாளர்களை ஏற்றிக்கொண்டு ஹெலிகாப்டர் புறப்பட்டபோது இந்த விபத்து நடந்ததாக கூறப்படுகிறது. இந்த சம்பவம் ரஷ்யாவில் அதிர்ச்சியை ஏற்படுத்தியுள்ளது.

English summary

Eighteen people have died in a Russian helicopter crash in north-western Siberia, officials say.