அதிமுகவை தொடர்ந்து ஆதரியுங்கள்... விஜய் ரசிகர்களிடம் அமைச்சர் வேண்டுகோள்!
அதிமுகவிற்கு விஜய் ரசிகர்கள் தொடர்ந்து ஆதரவு அளிக்க வேண்டும் என்று அமைச்சர் தங்கமணி தெரிவித்துள்ளார்.
நாமக்கல் : மறைந்த முதல்வர் ஜெயலலிதாவை ஆதரித்தது போல விஜய் ரசிகர்கள் தொடர்ந்து அதிமுகவை ஆதரிக்க வேண்டுமென்று அமைச்சர் தங்கமணி கேட்டுக் கொண்டுள்ளார்.
நடிகர் விஜயின் பிறந்தநாளை முன்னிட்டு நாமக்கல் மாவட்டத்தில் நலத்திட்ட உதவிகள் வழங்கும் நிகழ்ச்சி நடைபெற்றது. இந்த நிகழ்ச்சியில் மின்சாரத்துறை அமைச்சர் தங்கமணி, சமூக நலத்துறை அமைச்சர் சரோஜா, நாமக்கல் எம்பி சுந்தரம் உள்ளிட்டோர் பங்கேற்றனர்.
இந்த நிகழ்ச்சியில் பெண்களுக்கு தையல் மிஷின் உள்ளிட்ட நலத்திட்ட உதவிகளை அமைச்சர் தங்கமணி வழங்கினார். இதனைத்தொடர்ந்து விஜய் ரசிகர்கள் மத்தியில் பேசிய அமைச்சர் தங்கமணி, மறைந்த முதல்வர் ஜெயலலிதாவிற்கு விஜய் ரசிகர்கள் ஆதரவு அளித்தாகக் கூறினார்.
இதே போன்று தற்போதும் அதிமுக ஆட்சிக்கு விஜய் ரசிகர்கள் முழு ஆதரவையும் அளிக்க வேண்டும் என்று கேட்டுக் கொண்டார். ஜெயலலிதாவின் ஆட்சிக்காக விஜய் ரசிகர்கள் துணையான இருந்தீர்கள், அதற்காக முதலில் நன்றியை தெரிவித்துக் கொள்கிறோம். இனி வரும் காலங்களிலும் நீங்கள் அரசுக்கு உறுதுணையாக இருக்க வேண்டும் என்று தங்கமணி பேசினார்.
Click it and Unblock the Notifications
Sign in with Google