தேனி: 'இப்படிதான் சமைக்கணும்'... செம டேஸ்ட்... அம்மா உணவகத்தில் சாப்பிட்ட திமுக எம்.எல்.ஏ!

தேனி: அம்மா உணவகத்திற்கு சென்று ஆய்வு செய்த பெரியகுளம் தொகுதி எம்எல்ஏ சரவணக்குமார், இப்படிதான் சமைக்கணும்'. செம்ம டேஸ்டா இருக்கு என்று பாராட்டி உள்ளார்.

முன்னதாக தேனியில் ஆக்கிரமிப்பில் இருக்கும் ராஜ வாய்க்காலை பெரியகுளம் சட்டமன்ற உறுப்பினர் சரவணகுமார் திடீரென ஆய்வு செய்தார். தேனி நகர் பகுதியில் செல்லக்கூடியது ராஜவாய்க்கால். நகரில் செல்லக்கூடிய கொட்டகுடி ஆற்றில் இருந்து வரும் ராஜ வாக்கால் தேனி பழைய பேருந்து நிலையம் அடிப்பகுதியில் சுரங்கம் வழியாக சென்று பங்களாமேடு பகுதி வழியாக சென்று தாமரைக்குளத்தை சென்றடைகிறது.

ராஜவாக்கால் செல்லும் வழி முழுவதுமாக ஆக்கிரமிக்கப்பட்டு தண்ணீர் செல்ல முடியாத நிலை உள்ளது‌. இந்நிலையில் பெரியகுளம் திமுக சட்டமன்ற உறுப்பினர் சரவணகுமார் ராஜ வாக்கால் செல்லும் பகுதிகளை ஆய்வு செய்தார்.

ராஜ வாக்கால் துவங்கும் இடம் மற்றும் வாய்க்கால் செல்லும் பழைய பேருந்து நிலையம் பகுதி உள்ளிட்ட இடங்களை ஆய்வு செய்தார். வாய்க்கால் ஆக்கிரமிப்பு செய்யப்பட்ட இடங்கள் குறித்தும் கேட்டறிந்தார்.

இந்த ஆய்வின் போது தேனி அல்லிநகரம் நகராட்சி ஆணையர் , வட்டாட்சியர், பொதுப்பணித்துறை அதிகாரிகள் ஆகியோர் கலந்து கொண்டனர். ஆய்வுக்கு பிறகு பழைய பேருந்து நிலையத்தில் செயல்படும் அம்மா உணவகத்திற்கு சென்ற சட்டமன்ற உறுப்பினர் சரவணகுமார் உணவகத்தில் உணவருந்தியது மட்டுமல்லாமல் அங்கிருந்த பணியாளர்களிடம் உணவு நன்றாக இருப்பதாக பாராட்டினார்.

English summary

Periyakulam MLA Saravanakumar, who visited Amma's restaurant and inspected it, praised that it is good.