நெல்லை மாநகராட்சி தேர்தல் விறுவிறு.. வந்து இறங்கிய பெங்களூர் இன்ஜினியர்கள்!

நெல்லை: நெல்லை மாநகராட்சியில் நகர்ப்புற உள்ளாட்சி தேர்தலுக்கு பயன்படுத்தப்படும் வாக்கு இயந்திரங்கள் அரசியல் கட்சி முகவர்கள் மற்றும் தேர்தல் அதிகாரிகள் முன்னிலையில் பெல் நிறுவன மென் பொறியாளர்கள் மூலம் சரிபார்க்கும் பணி நடைபெற்று வருகிறது.

நகர்ப்புற உள்ளாட்சி தேர்தல் நடத்துவதற்கான ஏற்பாடுகளை மாநில தேர்தல் ஆணையம் விறுவிறுப்பாக செய்து வருகிறது.

அதன்படி பல்வேறு மாவட்டங்களில் மாநில தேர்தல் ஆணையர் தலைமையில் நகர்ப்புற உள்ளாட்சி தேர்தல் நடத்துவது தொடர்பான முன்னேற்பாடுகள் குறித்த ஆலோசனைக் கூட்டங்களை நடத்தி முடித்து, வாக்காளர் பட்டியல் வெளியிடும் பணி வார்டு வரையறை செய்யும் பணி, மாநகராட்சி நகராட்சி மற்றும் பேரூராட்சிகளில் இருக்கும் வார்டுகளுக்கான இட ஒதுக்கீடு செய்யும் போன்றவை நடந்து வருகிறது.

பெங்களூர் இன்ஜினியர்கள்

இந்த நிலையில் நெல்லை மாநகராட்சி பகுதிகளில் உள்ள 55 வார்டுகளில் நகர்ப்புற உள்ளாட்சி தேர்தலின் போது பயன்படுத்துவதற்கு தேவையான வாக்குப்பதிவு இயந்திரங்கள் மற்றும் கட்டுப்பாட்டு இயந்திரங்கள் அரசியல் கட்சி பிரமுகர்கள் மற்றும் தேர்தல் அதிகாரிகள் முன்னிலையில் பெங்களூரில் இருந்து வரவழைக்கப்பட்ட பெல் பொறியாளர்கள் மூலம் சரிபார்க்கும் பணிகள் நடந்து வருகிறது.

நெல்லை மாநகராட்சி

நெல்லை மாநகராட்சியில் நடைபெற இருக்கும் நகர்ப்புற உள்ளாட்சி தேர்தலில் தற்போது வெளியிடபட்ட வாக்காளர்களின் எண்ணிகையின் அடிப்படையில் ஒரு வாக்கு சாவடிக்கு 1200 வாக்காளர்களுக்கு மிகாமல் மொத்தமாக 490 வாக்கு சாவடிகள் அமைக்க திட்டமிடப்பட்டுள்ளது.

சரிபார்ப்பு பணி

பயன்படுத்த தேவையான 1800 வாக்கு பதிவு இயந்திரங்கள் மற்றும் 900 கட்டுபாட்டு இயந்திரங்கள் பெல் நிறுவன மென் பெறியாளர்கள் மூலம் சரிபார்க்கும் பணிகள் நடந்து வருகிறது.

வரிசை எண்

இதனை தொடர்ந்து இயந்திரங்களின் வரிசை எண் போன்றவை கணிணி மூலம் பதிவேற்றம் செய்யும் பணியும் நடைபெறுகிறது.பெல் பொறியாளர்கள் வாக்கு பதிவுக்கு தேவையான இயந்திரங்களை ஆய்வு செய்து சரிபார்த்த பின்னர் அரசியல் கட்சியினர் மற்றும் தேர்தல் அதிகாரிகள் சுழற்சி முறையில் தேர்ந்தெடுக்கப்பட்ட வாக்கு இந்திரத்தில் 1000 வாக்குகள் வரை பதிவு செய்து மாதிரி வாக்கு பதிவு செய்ய உள்ளதாக அதிகாரிகள் தரப்பில் தெரிவிக்கப்பட்டுள்ளது.

English summary

The voting machines used for the urban local elections in Nellai Corporation are being checked by Bell Institutional Soft Engineers in the presence of political party agents and election officials.