குதிரை பூட்டிய ரதத்தில் பவனி வந்த அமைச்சர் உதயநிதி ஸ்டாலின்.. சாரதியாக பூண்டி கலைவாணன்!
திருவாரூர் : திருவாரூர் சென்ற அமைச்சர் உதயநிதி ஸ்டாலினை, குதிரை பூட்டிய தேரில் அழைத்துச் சென்றார் திமுக எம்.எல்.ஏ பூண்டி கலைவாணன்.
திருவாரூர் மாவட்டத்திற்கு பல்வேறு அரசு நிகழ்ச்சிகளுக்கு வருகை தந்துள்ள தமிழகத்தின் விளையாட்டு துறை மற்றும் இளைஞர் நலன் துறை அமைச்சர் உதயநிதி ஸ்டாலின் அவர்களை திருவாரூர் மாவட்ட கழகத்தின் சார்பில் மாவட்டக் கழக செயலாளர் சட்டமன்ற.
உறுப்பினர் பூண்டிக்கு கலைவாணன் அவர்கள் குதிரை வாகனத்தில் சிறப்பான வரவேற்பு நடத்தப்பட்டு நீதி முழுவதும் குதிரை வாகனத்தில் அழைத்து வரப்பட்டார்.
திருவாரூர் மாவட்டத்தில் பல்வேறு நிகழ்ச்சியில் கலந்து கொள்வதற்காக உழவன் விரைவு ரயில் மூலம் சென்னையில் இருந்து கும்பகோணத்திற்கு இன்று காலை வருகை தந்தார் இளைஞர் நலன் மற்றும் விளையாட்டு துறை அமைச்சர் உதயநிதி ஸ்டாலின்.
அப்போது பள்ளிக் கல்வித் துறை அமைச்சர் அன்பில் மகேஷ் பொய்யாமொழி, நாடாளுமன்ற உறுப்பினர்கள், சட்டமன்ற உறுப்பினர்கள், மேயர், துணை மேயர், மாமன்ற உறுப்பினர்கள், உள்ளிட்ட ஏராளமான திமுகவினர் உற்சாக வரவேற்பு அளித்தனர்.
பின்னா் கும்பகோணத்தில் இருந்து திருவாரூருக்கு கார் மூலம் சென்றார் அமைச்சர் உதயநிதி ஸ்டாலின். திருவாரூர் சென்ற அமைச்சர் உதயநிதி ஸ்டாலினை, குதிரை பூட்டிய தேரில் நகர்வலமாக அழைத்துச் சென்றார் திமுக எம்.எல்.ஏ பூண்டி கலைவாணன். அப்போது வழிநெடுக திமுக தொண்டர்கள் அவருக்கு உற்சாக வரவேற்பு அளித்தனர். குதிரை வண்டியில் வந்த அமைச்சர் உதயநிதி ஸ்டாலினுடன் பொதுமக்கள் செல்ஃபி எடுத்து மகிழ்ந்தனர்.
Click it and Unblock the Notifications
Sign in with Google