உலகம் முழுவதும் தீயாய் பரவும் கொரோனா: ஒரே நாளில் 28,22,180 பேர் பாதிப்பு - 26,79,130 பேர் மீண்டனர்

உலகம் முழுவதும் ஒரே நாளில் 28,22,180 பேர் கொரோனாவால் பாதிக்கப்பட்டுள்ளனர். கொரோனாவால் பாதிக்கப்பட்டவர்களின் மொத்த எண்ணிக்கை 38,17,53,166 பேராக உயர்ந்துள்ளது.

வாஷிங்டன்: கொரோனா வைரஸ் பாதிப்பின் வேகம் உலகம் முழுவதும் மீண்டும் அதிகரிக்கத் தொடங்கியுள்ளது. உலகம் முழுவதும் ஒரே நாளில் 28,22,180 பேர் கொரோனாவால் பாதிக்கப்பட்டுள்ளனர். கடந்த 24 மணி நேரத்தில் 26,79,130 பேர் ஒரே நாளில் கொரோனாவில் இருந்து குணமடைந்துள்ளனர்.

கொரோனா வைரஸ் கடந்த 2 ஆண்டுகளுக்கும் மேலாக உலக மக்களை தன் பிடிக்குள் வைத்துள்ளது. பல கோடி டோஸ்கள் தடுப்பூசி செலுத்தப்பட்ட பின்னரும் புது புது வேரியண்ட் வைரஸ்கள் உருவாகி மக்களை அச்சுறுத்தி வருகிறது. ஆல்பா, பீட்டா, காமா, டெல்டா, டெல்டா பிளஸ், ஓமிக்ரான் என பல வைரஸ்கள் மக்களை பாதித்துள்ளன.

ஓமிக்ரான் கொரோனா பரவத் தொடங்கியதற்குப் பின்னர் உலகெங்கும் கொரோனா தாக்கம் மீண்டும் அதிகரித்து வருகிறது. அமெரிக்கா, இந்தியா பிரான்ஸ், ஜெர்மனி, இத்தாலி போன்ற நாடுகளில் தினசரி கொரோனாவால் பாதிக்கப்படுவோரின் எண்ணிக்கை மீண்டும் லட்சத்தை தாண்டி பதிவாகி வருகிறது.

38 கோடி பேர் பாதிப்பு

உலகம் முழுவதும் ஒரே நாளில் 28,22,180 பேர் கொரோனாவால் பாதிக்கப்பட்டுள்ளனர். கொரோனாவால் பாதிக்கப்பட்டவர்களின் மொத்த எண்ணிக்கை 38,17,53,166 பேராக உயர்ந்துள்ளது. 26,79,130 பேர் ஒரே நாளில் கொரோனாவில் இருந்து குணமடைந்துள்ளனர். கொரோனா பாதிப்பில் இருந்து மொத்தம் 30,15,46,530 பேர் குணமடைந்துள்ளனர்.

57,03,939 பேர் மரணம்

கொரோனாவால் 10,956 பேர் ஒரே நாளில் மரணமடைந்துள்ளனர். உலகம் முழுவதும் மொத்தம் 57,03,939 பேர் கொரோனாவால் உயிரிழந்துள்ளனர். கொரோனா பாதித்து உலகம் முழுவதும் 7,45,02,697 பேர் சிகிச்சையில் உள்ளனர். 92,659 பேர் மிகவும் கவலைக்கிடமான நிலையில் சிகிச்சை பெற்று வருகின்றனர்.

அமெரிக்கா நம்பர் 1

கொரோனா பாதிப்பில் அமெரிக்கா முதலிடத்தில் உள்ளது. அங்கு கடந்த 24 மணி நேரத்தில் 2,47,366 பேர் கொரோனாவால் பாதிக்கப்பட்டுள்ளனர். ஒரே நாளில் 2,655 பேர் கொரோனாவால் மரணமடைந்துள்ளனர். இந்தியாவில் ஒரே நாளில் 158,576 பேர் கொரோனாவால் பாதிக்கப்பட்டுள்ளனர். ஒரே நாளில் 1,728 பேர் மரணமடைந்துள்ளனர்.

ரஷ்யாவில் அதிகரிப்பு

அதே போல பிரேசில் நாட்டில் ஒரே நாளில் 171,028 பேர் கொரோனாவால் பாதிக்கப்பட்டுள்ளனர். 767 பேர் பிரேசிலில் ஒரே நாளில் மரணமடைந்துள்ளனர். 1,56,919 பேர் கொரோனாவில் இருந்து மீண்டுள்ளனர். ரஷ்யாவில் கடந்த 24 மணி நேரத்தில் 1,25,836 பேர் கொரோனாவால் பாதிக்கப்பட்டுள்ளனர். 663 பேர் கொரோனாவால் உயிரிழந்துள்ளனர்.

பிரான்ஸ்

பிரான்ஸ் நாட்டில் 4,16,896 பேர் கொரோனாவால் பாதிக்கப்பட்டுள்ளனர். 381 பேர் உயிரிழந்துள்ளனர். இத்தாலி நாட்டில் 1,33,142 பேர் கொரோனாவால் பாதிக்கப்பட்டுள்ளனர். தற்போதைய சூழலில் தடுப்பூசி மட்டுமே கொரோனாவில் இருந்து நம்மைக் காக்கும் ஒரே ஆயுதமாகப் பார்க்கப்பட்டு வருகிறது.

English summary

The pace of corona virus infection around the world has begun to increase again. Worldwide, 28,22,180 people were infected with corona in a single day. In the last 24 hours, 26,79,130 people have recovered from corona in a single day.