Oats Kozhukattai: ஓட்ஸை வைத்து கஞ்சிதான் செய்யணுமா என்ன! ஹெல்தியான கொழுக்கட்டை செய்யலாமே!

Oats Kozhukattai recipe: ஓட்ஸை வைத்து கஞ்சி குடித்திருக்கிறோம், ஓட்ஸ் உப்புமா செய்திருக்கிறோம். ஆனால் இதை வைத்து சூப்பரான ஆரோக்கியமான கொழுக்கட்டை செய்யலாமே, எப்படி செய்யுறதுனு பார்க்கலாமா?

ஓட்ஸ்- வெள்ளை நிறத்தில் சிறு துகள்கள் போல் இருக்கும். அதாவது ஒரு அவலை 3 பங்காக உடைத்தால் எப்படி இருக்குமோ அப்படி இருக்கும். இந்த ஓட்ஸ் உடல் எடையை குறைக்கும்.

அதிக நார்ச்சத்துகள் கொண்ட ஓட்ஸை பலரும் உணவில் சேர்த்துக் கொள்கிறார்கள். இதயத்தை மேம்படுத்தவும் ரத்த சர்க்கரை அளவை சீராக்கவும் இது உதவுகிறது. மேலும் குடல் ஆரோக்கியத்தை மேம்படுத்துகிறது. நோய் எதிர்ப்பு சக்தியை அதிகரிக்கிறது.

சரும பிரச்சனைகளுக்கும் நல்லத் தீர்வாக உள்ளது. இந்த ஓட்ஸில் கஞ்சி செய்யலாம். இட்லி, தோசையில் கலந்துக் கொள்ளலாம். இப்படிப்பட்ட ஓட்ஸில் கொழுக்கட்டை கூட செய்யலாமாம்! வாங்க எப்படி செய்யுறதுனு பார்க்கலாம்.

தேவையான பொருட்கள்

ஓட்ஸ் - 1 கப்
தண்ணீர் - அரை கப்
உப்பு- தேவைக்கேற்ப
துருவிய தேங்காய்- 3 டேபிள் ஸ்பூன்

தாளிக்க

எண்ணெய்- 1 டேபிள் ஸ்பூன்
கடுகு- 1 டீஸ்பூன்
உளுந்து- 2 டீஸ்பூன்
வெங்காயம் - 1/2 கப்
பச்சை மிளகாய் -1
கறிவேப்பில்லை - சிறிது

செய்முறை

• ஓட்ஸில் சிறிது உப்பு சேர்த்து வெதுவெதுப்பான தண்ணீரை தெளிக்கவும். அதை நன்கு கலந்து விட்டு 5 நிமிடம் வேகவிடவும்.
• பின்னர் ஒரு கடாயில் எண்ணெய் ஊற்றி கடுகு, உளுத்தம் பருப்பு சேர்த்து நறுக்கிய வெங்காயம், பச்சை மிளகாய் சேர்த்து வதக்கவும்
• பின்னர் ஊற வைத்த ஓட்ஸை அதில் சேர்க்க வேண்டும். துருவிய தேங்காயையும் சேர்த்து கலந்து விடவும்.
• பின்னர் அந்த கலவையை சிறிது ஆற வைத்து எலுமிச்சை அளவு உருண்டைகளை உருட்டி இட்லி பாத்திரத்திலோ அல்லது ஸ்ட்டீமரிலோ 7 நிமிடங்களுக்கு வேகவிடவும். உடலுக்கு ஆரோக்கியமானது.