பூஜையில் அகல் விளக்கு உடைந்தால்? விளக்கு தவறி விழுவது நல்லதா? பழைய விளக்குகளை என்ன செய்வது? ஆன்மீகம்

Updated: Monday, October 14, 2024, 18:38 [IST]

Subscribe to Oneindia Tamil

சென்னை: வீடுகளில் பூஜையின்போது, சிலசமயம் விளக்குகள் தெரியாமல் கைதவறி கீழே விழுந்துவிடும்.. அதேபோல அகல் விளக்குகளும் கைநழுவி கீழே விழுந்துவிடும்.. இப்படி விளக்குகள் தவறி விழுவது நல்லதா? கெட்டதா? இதுகுறித்து ஆன்மீகத்தில் சொல்லப்பட்டிருப்பது என்ன?

நம்முடைய வீட்டில், பல நேரங்களில் பூஜையின்போது சில பொருட்கள் கையிலிருந்து நழுவி கீழே விழுந்துவிடும்.. இதனால், சில பொருட்கள் தரையில் விழுந்தால் அது மங்களகரமானதாக கருதப்படுவதில்லை.

அபசகுணம்: ஆனால், தெரியாமல் நடக்கும் நிகழ்வு என்றாலும்கூட, சில பொருட்கள் கீழே விழுந்தால் அது துரதிருஷ்டமாகவும், அசுபமானதாகவும் கருதப்படுகிறது.

அந்தவகையில், அதிர்ஷ்டத்தின் சின்னமான குங்குமம், கீழே விழுந்தால், குடும்பத்திற்கு நல்லதல்ல என்பார்கள்.. பிரசாதம் தரையில் விழுந்தாலும், அது நல்லது கிடையாது. ஆர்த்தி தட்டு கைகளிலிருந்து நழுவி விழுந்தாலும் அது அபசகுணம் என்கிறார்கள். சாமி சிலைகள் கை தவறி விழுந்து உடைந்தால், குடும்பத்தில் உள்ள பெரியவர்களுக்கு நெருக்கடி ஏற்படுமாம்..
அந்தவகையில், விளக்குகள் மிகவும் முக்கியமானவை.

மோசமான அறிகுறி: எரிந்து கொண்டிருக்கும் விளக்கு திடீரென அணைந்துவிடுவதுகூட மோசமான அறிகுறியாகும்.. ஏதோ வீட்டில் தவறாக நடக்கப்போவதை முன்கூட்டியே, இந்த விளக்குகள் உணர்த்துவதாகவும் நம்பப்படுகிறது. ஒருவேளை பூஜை செய்யும்போது, இப்படி விளக்குகள் அணைந்துவிட்டால், அந்த பூஜையை அப்படியே தொடரக்கூடாது.. மீண்டும் ஆரம்பத்திலிருந்து பூஜை செய்ய வேண்டும்.. இதுவே பரிகாரமும்கூட.

எனவே, விளக்குகள் உடைந்து விட்டாலோ அல்லது அந்த விளக்கில் ஏதேனும் சேதாரம் ஏற்பட்டிருந்தாலும் அதை நாம் மீண்டும் பயன்படுத்தக்கூடாது.. புதிய விளக்குகளை தான் பயன்படுத்த வேண்டும்... பூஜைகளுக்கு பயன்படுத்திய அந்த பழைய விளக்குகளை சிலர் நினைவுகளுக்காக அப்படியே வைத்திருப்பார்கள். ஆனால், பூஜையில் அப்படி வைக்கக்கூடாதாம்..

அகல் விளக்குகள்: அதேபோல, குலதெய்வம் கோயிலுக்கு விளக்கேற்ற செல்லும்போது, சில அகல் விளக்குகள் உடைந்துவிடும். கடையில் வாங்கும்போது சரியாக பார்த்து வாங்காமல் செல்வதால் இப்படி நேரிடும்.. அப்படி விளக்கேற்றி வழிபடும்போது, இந்த விளக்குகள் விழுந்து உடைந்துவிட்டால், பரிகார தீபம் ஏற்ற வேண்டும்.. எனவே, அகல் விளக்குகளை வாங்கி செல்லும்போதே பார்த்து வாங்கினால் போதும்.. கவனக்குறைவால் உடைந்ததற்கெல்லாம் பயப்பட தேவையில்லை என்கிறார்கள்.