குணசேகரன் ஆக நடிப்பதால் நிஜ வாழ்க்கையில் சந்தித்தது.... உருக்கமாக கூறிய மாரிமுத்து

Updated: Monday, February 27, 2023, 0:51 [IST]

Subscribe to Oneindia Tamil

சென்னை: சன் டிவியில் ஒளிபரப்பாகி வரும் எதிர்நீச்சல் சீரியலில் குணசேகரன் கேரக்டரில் நடிக்கும் மாரிமுத்து தன்னுடைய நிஜ வாழ்க்கையில் தனக்கு நடக்கும் நிகழ்வுகளை பற்றி கூறியிருக்கிறார்.

சீரியலில் மிரட்டும் கதாபாத்திரமாக நடிப்பதால் நிஜத்திலும் இப்படித்தான் இருப்பார் என்று ரசிகர்கள் முத்திரை குத்தி விடுகிறார்கள் என்று வருத்தமாக மாரிமுத்து கூறியிருக்கிறார்.

திருச்செல்வம் படைப்பு

சன் டிவியில் ஒளிபரப்பாகி வரும் எதிர்நீச்சல் தற்போது ரசிகர்களை அதிகமாக கவர்ந்து இருக்கிறது. பல வருடங்களுக்கு பிறகு மீண்டும் திருசெல்வம் இந்த சீரியலை இயக்கி உள்ளார். திருச்செல்வம் இயக்கம் என்றாலே ரசிகர்கள் அதிகமாக எதிர்பார்ப்பை தொடங்கி விடுகிறார்கள். ஒரு இயக்குனராக ரசிகர்களின் ரசனை அறிந்து சீரியலை எடுப்பது இவருக்கு நிகர் இவர்தான் என்று ரசிகர்கள் கூறி வருகின்றனர். அந்த வகையில் தான் தற்போதைய எதிர்நீச்சல் சீரியலும் இருந்து வருவதாக ரசிகர்கள் கூறி வருகிறார்கள். இந்த சீரியலுக்காக பார்த்து பார்த்து ஒவ்வொரு நடிகர்களையும் தேர்வு செய்துள்ளாராம்.

சூடு பிடித்த கதைக்களம்

குடும்பத்தின் மூத்த அண்ணனாகவும் சீரியலின் வில்லனாகவும் மிரட்டும் கதாபாத்திரத்தில் கடுகடுவென இருக்கும் குணசேகரன் ஆக மாரிமுத்து நடித்து வருகிறார். கேரக்டர் செலக்ட் செய்தால் இப்படி செய்ய வேண்டும் என்று சொல்லும் அளவிற்கு தற்போது மாரிமுத்து அனைவரையும் மிரட்டி வருகிறார். இந்த சீரியலில் தற்போது கதைக்களம் சூடு பிடித்திருக்கிறது. இதுவரைக்கும் அவ்வளவாக எதிர்த்து பேசாமல் அமைதியாகவே இருந்து வந்த ஜனனி தற்போது குணசேகரன் நடுத்தெருவில் வைத்து எதிர்த்துப் பேசி அவமானப்படுத்தி இருக்கிறார். இதை பார்த்த ரசிகர்கள் இந்த சீரியல் தற்போது ரசிகர்கள் எதிர்பார்த்த அளவில் இருந்து வருவதாக கூறி வருகிறார்கள்.

நடிப்பு திறமை

சீரியலில் கடுகடுவென இருக்கும் மாரிமுத்து நிஜ வாழ்க்கையில் அப்படியெல்லாம் இல்லை. ரொம்பவே சகஜமாகவும் ஜாலியான கேரக்டராக தான் இருந்து வருகிறார் என்று அவருடன் நடிக்கும் நடிகர்கள் கூறியிருக்கின்றனர். அதுபோலத்தான் இவர் சக நடிகர்களுடன் எடுக்கும் ரீல்ஸ் வீடியோக்களும் சமூக வலைத்தளத்தில் பரபரப்பை ஏற்படுத்தி வரும். ஜாலியாக இவர்கள் சூட்டிங் ஸ்பாட்டில் எடுக்கும் வீடியோக்களை பார்த்து பலர் இப்படிப்பட்ட மனுசரா அப்படியெல்லாம் நடிக்கிறார் என்றெல்லாம் கேள்விகளை எழுப்பி வருகிறார்கள். திரைப்படங்களில நடித்த அனுபவமா..!! இவருக்கு இப்படி பின்னி பெடல் எடுக்கிறார் என்று இவருக்கு வாழ்த்துக்கள் குவிந்து வருகிறது.

ரியல் லைஃப் சோதனை

சீரியலில் குணசேகரன் ஆக அனைவரையும் மிரட்டும் கதாபாத்திரத்தில் தான் நடிப்பதால் ரசிகர்கள் பலர் நிஜத்திலும் இவர் இப்படித்தான் என்று எனக்கு முத்திரை குத்தி விட்டார்கள் போல, ஒரு திருமண விழாவில் நான் சென்றிருந்தபோது ஒரு பெண் நேராக என்னிடம் வந்து விட்டார்.டக்கென்று என்னைப் பார்த்ததும் ஐயோ இவரா?? என்று வந்த வழியே விறுவிறுவென ஓடிவிட்டார். இதை பார்த்து எனக்கு சிரிப்பு தான் வந்தது என்று ஒரு பேட்டியில் மாரிமுத்து கூறியிருக்கிறார். நடிகர்கள் பொதுவாக என்ன மாதிரி கேரக்டரில் நடிக்கிறார்களோ அவர்கள் அப்படித்தான் என்று நம்புபவர்கள் எம்ஜிஆர் காலம் தொடங்கி இப்ப வரைக்கும் இருந்து வருகிறார்கள் என்று ரசிகர்கள் கூறி வருகிறார்கள்.