டாஸ்கில் இளம் போட்டியாளர்களை பின்னுக்கு தள்ளிய அண்ணாச்சி...வேற லெவல் தான்

Updated: Saturday, October 30, 2021, 18:34 [IST]

Subscribe to Oneindia Tamil

சென்னை: வயது என்பது வெறும் நம்பர் தான் என்பதை தற்போது அண்ணாச்சி நிரூபித்து விட்டார்.

இதுவரைக்கும் இவரை சாப்பிட மட்டும்தான் செய்கிறார் வேற எதையும் செய்ய மாட்டார் என்று சொல்லி வந்த போட்டியாளர்களே இப்போ வாயடைத்துப் போய் இருக்கிறார்கள்.

வயதில் பெரியவராக இருந்தாலும் அனைத்து இளம் போட்டியாளர்களையும் பின்னுக்கு தள்ளி இவர் செய்த செயல்தான் இப்போ வைரலாக பேசப்பட்டு வருகிறது.

வேற லெவல் திறமை

பிக்பாஸ் நிகழ்ச்சியில் ஒருசில செயல்கள் ரசிகர்கள் மத்தியில் நன்றாக வைரல் ஆகி விடும். அந்த மாதிரி தான் தற்போது அண்ணாச்சி செய்த செயல் அனைவரையும் ஆச்சரியத்தில் மூழ்கி இருக்கிறது. இவரா இப்படி எல்லாம் களமிறங்கி இருக்கிறார் என்று பலர் கேள்வி கேட்டு வருகின்றனர். அதுமட்டுமல்லாமல் ஒரு சிலர் இவரை இப்படி நினைத்து விட்டோமே என்றும் கூறிவருகின்றனர்.

ஆச்சரியத்தில் ரசிகர்கள்

போட்டி என்று வந்துவிட்டால் நான் சிங்கம் என்று தற்போது இவர் நிரூபித்து இருக்கிறார். அதை பார்த்ததும் இவருடைய ரசிகர்கள் ஆர்ப்பரித்து வருகின்றனர். இதைத்தான் நாங்கள் எதிர்பார்த்தோம் இந்த மாதிரி தில்லா ஒரு விளையாட்டை விளையாடுவதற்கு வயது ஒரு காரணமே அல்ல என்று பலர் இவரை பார்த்து கூறி வருகின்றனர்.

கருப்பு சிங்கம்

பிக்பாஸ் நிகழ்ச்சியில் நேற்றைய டாஸ்கில் உடற்பயிற்சியை மையமாகக் கொண்டு நேற்று இரண்டு அணிகளுக்கும் கடுமையான போட்டிகள் நடைபெற்று கொண்டிருந்தது. அதில் ஒவ்வொருவரும் தங்களுடைய திறமையை நிரூபித்து வந்தனர் சில நேரங்களில் பல இளம் போட்டியாளர்கள் கூட மூச்சுத்திணறி எங்களால் முடியவில்லை என்று பின் தங்கி விட்டனர். ஆனால் கருப்பு அணியில் கருப்பு சிங்கமாக கலக்கிவிட்டார் இமான் அண்ணாச்சி என்று ரசிகர்கள் கூறி வருகின்றனர்ய

மிரண்டுபோன போட்டியாளர்கள்

போட்டியாளர்கள் அனைவரும் கருப்பு மற்றும் மஞ்சள் நிற அணியாக பிரிக்கப்பட்டு அதற்கு நடுவராக சின்னபொண்ணு இறக்கப்பட்டார். இதில் இரண்டு அணிகளும் ஒருவருக்கொருவர் சளைத்தவர் அல்ல என்று போட்டி போட்டுக் கொண்டிருந்தாலும் மஞ்சள் அணி தான் வெற்றி பெற்றிருக்கிறது. ஆனால் தன்னுடைய திறமையால் தான் விளையாடி அனைவரையும் அதிர வைத்திருக்கிறார் என்பதை தற்போது நிரூபித்து விட்டார். இவர் களத்தில் ஒர்க் அவுட் செய்து கொண்டிருந்ததை பார்த்து ரசிகர்கள் மட்டுமல்லாமல் போட்டியாளர்களும் மிரண்டு போயிருக்கிறார்கள்.