போகும் இடம் எல்லாம் இப்படியா பண்ணுவீங்க கன்னிகா.. கலாய்க்கும் ரசிகர்கள்

Updated: Friday, September 23, 2022, 15:53 [IST]

Subscribe to Oneindia Tamil

சென்னை: சின்னத்திரை நடிகையான கன்னிகா தற்போது தன்னுடைய காதல் கணவருடன் திருமணம் ஒன்றில் கலந்து கொண்ட வீடியோவை இன்ஸ்டாகிராமில் பதிவிட்டுள்ளார்.

செல்லும் இடமெல்லாம் திருமணத்தை நடத்தி ஆசிர்வாதங்களை அள்ளி தெளிக்கும் கன்னிகாவுக்கு ரசிகர்கள் அறிவுரைகளை கூறி வருகிறார்கள்.

புதிய படத்தின் அப்டேட்டுக்காக காத்துக் கொண்டிருக்கும் ரசிகர்களுக்கு கன்னிகாவின் இந்த மாதிரி வீடியோக்கள் சில ஏமாற்றங்களாக இருந்து வருவதாக ரசிகர்கள் புலம்பி வருகிறார்கள்.

கன்னிகாவின் ஆரம்ப காலம்

கன்னிகா ரவி தமிழ் நடிகையாக இருந்தாலும் ஆரம்பத்தில் அவர் ஒரு விஜே வாக தான் காலடி எடுத்து வைத்திருக்கிறார். தீயா வேலை செய்யணும் குமாரு, சத்திரபதி போன்ற திரைப்படங்களில் நடித்திருக்கிறார். இவர் கதாநாயகியாக நடிக்க வேண்டும் என்று எதிர்பார்த்து இருந்தலும் அவருக்கு அந்த வாய்ப்பு சிறப்பாக அமையவில்லை. இவர் தமிழ்நாட்டின் விருதுநகரில் பிறந்திருந்தாலும் வளர்ந்தது எல்லாமே திண்டுக்கல் தானாம். கன்னிகா முதன்முதலில் கலைஞர் டிவியில் ஒளிபரப்பான அமுதா ஒரு ஆச்சர்யக்குறி சீரியலில் அறிமுகமாகியிருக்கிறார்.

ரசிகர்களின் எதிர்பார்ப்பு

திரைத்துறை தம்பதிகளான கன்னிகா மற்றும் பாடல் ஆசிரியர் சினேகன் பலருக்கும் பரிச்சயமான நபர்கள் தான். கன்னிகா வெள்ளித்திரைகள் மட்டுமல்லாமல் சின்ன திரையிலும் நடுத்திருக்கிறார். இவர் எப்போது மீண்டும் சீரியலுக்கு வருவார் என்று இவருடைய ரசிகர்கள் ஆர்வத்தோடு காத்திருக்கின்றனர். இவருடைய அழகான தமிழ் உச்சரிப்பு பல ரசிகர்களுக்கு பிடித்ததாக இருந்து வருகிறது. கன்னிகா மற்றும் சினேகன் இருவரும் காதலித்த திருமணம் செய்து கொண்டிருந்தாலும் இப்ப வரைக்கும் காதலர்களாக தான் சுற்றி வருகிறார்கள்.

திருமண வீடியோக்கள்

திருமணத்திற்கு பிறகும் கொஞ்சம் கூட காதல் குறையாத இந்த தம்பதியினர் பல திருமணங்களை நடத்தி வைத்து ஆசீர்வாதங்களை வழங்கி வருகின்றனர். சமூக வலைத்தளத்தில் ஆக்டிவாக இருக்கும் கன்னிகா இந்த வீடியோக்களை தன்னுடைய இன்ஸ்டாகிராம் பக்கங்களில் தட்டி விட்டு வருகிறார். கன்னிகா வெளியிடும் போஸ்டுக்கு எப்போதும் வரவேற்பு இருந்து வருகிறது. இந்த நிலையில் தற்போது அதிகமான வீடியோக்கள் கன்னிகா மற்றும் சினேகன் இருவரும் சேர்ந்து திருமணத்தை நடத்தி வைக்கும் வீடியோக்களாக இருப்பதால் பலர் செல்லமாக கோபித்து வருகிறார்கள்.

பல திறமைகள் இருக்கு

கன்னிகாவிற்குள் பல திறமைகள் ஒளிந்து கொண்டிருக்கிறது. அது அவரை விடவும் ரசிகர்களுக்கு அதிகமாக தெரிந்திருக்கிறது. அவர் ஒரு நடிகை மட்டுமல்லாமல் கவிதைகள் எழுதுவதிலும் வல்லவராக இருக்கிறார். புத்தகங்கள் எழுதுவதும் இவருக்கு கைவந்த வேலைதான் அதுமட்டுமல்லாமல் சமையல் செய்வது, ஓவியம் வரைவது, சிலம்பம் சுற்றுவது, இயற்கை விவசாயத்தை காப்பது என பல்வேறு முகங்கள் இவருக்கு இருக்கும் வேளையில் அதைப் பற்றிய வீடியோக்களையும் தங்களுடைய ரசிகர்களுக்காக வெளியிட வேண்டும் என்று அன்பு வேண்டுகோள் விட்டு வருகிறார்கள். ஒரு சிலர் புது திரைப்படத்தின் அப்டேட் கேட்டும் வருகிறார்கள்.