Diwali: மகளுடன் ஜி.வி. பிரகாஷின் தீபாவளி கொண்டாட்டம்! எக்ஸ்-வைஃப் சைந்தவியின் ரியாக்‌ஷன்!

Updated: Tuesday, October 21, 2025, 9:54 [IST]

Subscribe to Oneindia Tamil

சென்னை: இந்த வருஷம் தீபாவளியை தமிழ்நாட்டு மக்கள் மழையோடு செமையாக கோலாகலமா கொண்டாடி முடிச்சுட்டாங்க. அதுலயும் சினிமா பிரபலங்கள் போட்டோ, வீடியோன்னு சமூக வலைதளப் பக்கத்தை நிரப்பிட்டாங்க. இதில் விவாகரத்து செஞ்சு பிரிஞ்ச பிரபலங்கள் கூட ரொம்ப நிம்மதியாகவும், சந்தோஷமாகவும் தீபாவளியை கொண்டாடியிருக்காங்க!

ஜி.வி. பிரகாஷ் - மகளின் கொண்டாட்டம்

தமிழ் சினிமாவில் இசையமைப்பாளராகவும் நடிகராகவும் கலக்கி வரும் நம்ம ஜி.வி. பிரகாஷ் குமார், சமீபத்துல தனுஷின் 'வாத்தி' படத்துக்காக இரண்டாவது தேசிய விருதை வென்று செம்ம சந்தோஷத்துல இருக்காரு. இந்த சந்தோஷத்தோட, இந்த வருஷம் தீபாவளியை தன்னுடைய செல்ல மகள் அன்வியுடன் கொண்டாடியிருக்கார்.

பிரிவும் பாசமும்

ஜி.வி. பிரகாஷ் குமாரும், பாடகி சைந்தவியும் பள்ளியில் படிக்கும் போதிலிருந்தே காதலிச்சு, 2013-ல் கல்யாணம் பண்ணிக்கிட்டாங்க. இவங்களுக்கு 2020-ல் பெண் குழந்தை பிறந்தது. ஆனா, சமீபத்துல இவங்க ரெண்டு பேரும் விவாகரத்து செஞ்சு பிரிஞ்சுட்டாங்க. நீதிமன்றமும் அவங்களுக்கு அதிகாரப்பூர்வமா விவாகரத்து கொடுத்துடுச்சு.

கொண்டாட்ட வீடியோ

அப்பா ஜி.வி. பிரகாஷ் குமார் பட்டாசு வைக்க, மகள் அன்வி காருக்கு மேலே ஏறி உட்கார்ந்து, காதைப் பொத்திக்கிட்டு இருந்தாங்க. வாணவேடிக்கை வெடிச்சதும், ஜி.வி. பிரகாஷ் ஓடி வந்து மகள் பக்கத்துல நின்னு, ரெண்டு பேரும் ஜாலியா தீபாவளியைக் கொண்டாடுற வீடியோவைப் பகிர்ந்து இருக்காரு. இந்த வீடியோதான் இப்போ இணையத்துல பயங்கரமா வைரல் ஆகிட்டு இருக்கு.

சைந்தவியின் ரியாக்‌ஷன்

ஜி.வி. பிரகாஷ் - சைந்தவி பிரிஞ்சுட்டாலும், இன்னமும் ரெண்டு பேரும் நல்ல நண்பர்களாத்தான் இருக்காங்க. மகளுடன் ஜி.வி. பிரகாஷ் கொண்டாடிய இந்த வைரல் வீடியோவுக்கு, அவருடைய முன்னாள் மனைவி சைந்தவி லைக்கும் போட்டு தன்னோட சந்தோஷத்தை வெளிக்காட்டி இருக்காங்க. அதே போல, சைந்தவியும் தன்னுடைய மகள் அன்வியுடன் தீபாவளி கொண்டாடிய வீடியோவை தனியாக தன்னுடைய சமூக வலைதள பக்கத்துல வெளியிட்டு இருக்காங்க.

விவாகரத்து செஞ்சாலும், மகள் விஷயத்துல ரெண்டு பேரும் பாசத்தை விட்டுக் கொடுக்காம, அன்பான நண்பர்களாத் தொடர்ந்து வர்றது ரொம்பவே நெகிழ்ச்சியை ஏற்படுத்துது. ஜி.வி. பிரகாஷ், சைந்தவி ரெண்டு பேரும் இன்னொரு வாழ்க்கையைத் தேர்ந்தெடுப்பாங்களா, இல்லையான்னு காலம் தான் பதில் சொல்லணும். இப்போதைக்கு அவங்க மகளின் சந்தோஷத்துக்காக ரெண்டு பேரும் ஒண்ணா செயல்படுறது பெரிய விஷயம்தான்!