Jama OTT: இளையராஜா இசையில் வெளியான “ஜமா” திரைப்படம் ஓடிடியில் வந்தாச்சு!
சென்னை: தெருக்கூத்தை மையப்படுத்தி எடுக்கப்பட்ட "ஜமா திரைப்படம்" ஓடிடியில் வெளியாகி இருக்கிறது. எந்த ஓடிடியில் வந்து இருக்கிறது என்பது பற்றி இந்த செய்தியில் விரிவாக பார்க்கலாம்.
இசையமைப்பாளர் இளையராஜா இசையமைப்பில் உருவான ஜமா திரைப்படம் கடந்த ஆகஸ்ட் இரண்டாம் தேதி தான் திரையரங்குகளில் வெளியானது. திரைப்படம் வெளியானதை தொடர்ந்து அதிகமான விமர்சனங்களால் பாராட்டுகளை பெற்றது.
ஜமா படத்தை கூழாங்கல் படத்தை தயாரித்த பெர்ன் அண்ட் டெக் ப்ரொடக்ஷன் நிறுவனம் தான் தயாரித்திருக்கிறது. இந்த திரைப்படத்தில் பாரி இளவழகன் நாயகனாகவும், அம்மு அபிராமி, சைத்தான் உள்ளிட்ட நடிகர்கள் முக்கிய கதாபாத்திரத்திலும் நடித்திருக்கின்றனர்.
நடிகர் சேத்தன் சூரி நடித்த விடுதலை படத்தில் தன்னுடைய மிரட்டலான நடிப்பை வெளிகாட்டியதற்கு பிறகு ஜமா திரைப்படத்திலும் தன்னுடைய வித்தியாசமான நடிப்பை வெளிக்காட்டி பலருடைய பாராட்டையும் பெற்றிருக்கிறார். இந்த நிலையில் இந்த திரைப்படம் அமேசான் பிரைம் ஓடிடியில் வெளியாகி இருக்கிறது. நல்ல வரவேற்பை இந்த திரைப்படம் பெற்று வருகிறது.
Click it and Unblock the Notifications
Sign in with Google