முனீஸ் ராஜா வெளியிட்ட அடுத்த வீடியோ.. ஒரு வாரத்திற்குள் இப்படியா?? நெட்டிசன்ஸ் கிண்டல்

சென்னை: சின்னத்திரை நடிகர் முனீஸ் ராஜா திருமணம் முடிந்த பிறகு வெளியிட்ட வீடியோ தற்போது பலராலும் பகிரப்பட்டு வருகிறது.

திருமணத்திற்கு பிறகு தனது காதல் மனைவிக்காக தான் செய்த செயலை குறித்து அந்த வீடியோவில் பேசியுள்ளார்.

திருமணம் முடிந்தே ஒரு வாரம் தான் ஆகிறது அதற்குள் இப்படி ஒரு ஏற்பாடா என்று நெட்டிசன்கள் முனீஸ் ராஜாவை கலாய்த்து வருகிறார்கள்.

சன் டிவியில் அறிமுகம்

சன் டிவியில் ஒளிபரப்பான நாதஸ்வரம் சீரியலின் மூலமாக முனீஸ் ராஜா அந்த சீரியலில் சம்பந்தம் என்னும் கேரக்டரின் மூலமாக தனது நடிப்பு திறமையால் ரசிகர்களை கவர்ந்திருந்தார். பல வருடங்களாக நாதஸ்வரம் சீரியல் தொடர்ந்து ஒளிபரப்பாகி வந்தாலும் இந்த சீரியலில் இவர் தொடர்ந்து நடித்துக் கொண்டிருந்தார். அதனைத் தொடர்ந்து ஜீ தமிழில் ஒளிபரப்பான முள்ளும் மலரும் சீரியலிலும் தற்போது சீரியலில் மட்டுமல்லாமல் வெள்ளித்திரையிலும் நடித்துக் கொண்டிருக்கிறார்.

ராஜ்கிரணின் குற்றச்சாட்டு

சின்னத்திரையின் மட்டுமல்லாமல் வெள்ளித்திரைகளும் நடிகராக இருக்கும் முனீஸ் ராஜா தற்போது ராஜ்கிரணின் வளர்ப்பு மகளை காதலித்து திருமணம் செய்துள்ளார். இவர்களுடைய ரகசிய திருமணம் சமூக வலைதளத்தில் பரவிய நிலையில் அது குறித்த வீடியோ ஒன்றை ராஜ்கிரண் வெளியிட்டு, இனி தனக்கும் தனது வளர்ப்பு மகளுக்கும் எந்த ஒரு சம்பந்தமும் இல்லை என்று கூறியிருந்தார். அது மட்டுமில்லாமல் அந்த சின்னத்திரை நடிகர் தனது மகளை ஆசை வார்த்தை கூறி ஏமாற்றிவிட்டார். தன்னிடம் இருக்கும் பணத்திற்காகவும் தன் பெயரைச் சொல்லி சினிமா வாய்ப்பு பெறுவதற்காக தான் இவர் இப்படி திருமணம் செய்து இருக்கிறார் என்று குற்றம் சாட்டியிருந்தார்.

50 லட்சத்தில் வீடு

நடிகர் ராஜ்கிரணின் பதிவிற்கு எந்த எதிர் பதிவும் வெளியிடாமல் இருந்து வந்த முனீஸ் ராஜா தற்போது தனது காதல் மனைவிக்காக அவருடைய நீண்ட நாள் ஆசையை நிறைவேற்றி வைத்திருப்பதாக வீடியோ ஒன்று தெரிவித்து இருந்தார். அதில் தனது மனைவி ஆசைப்பட்ட பிசினஸை இவர் தொடங்கி வைத்துள்ளதாகவும் அது இந்த மாத இறுதியில் தொடங்கப்பட இருப்பதாகவும் கூறியிருந்தார். அது மட்டுமல்லாமல் இவருடைய சொந்த ஊரில் ரூபாய் 50 லட்சத்திற்கு வீடு ஒன்று கட்டப்பட்டு வருவதாகவும் அந்த வீடு விரைவில் திறப்பு விழா கொண்டாடப்படும் போது ரசிகர்கள்,நண்பர்கள், உறவினர்களோடு சிறப்பாக கொண்டாட இருப்பதாக கூறி இருக்கிறார் கூறியிருக்கிறார்.

ரசிகர்களின் கேள்விகள்

முனீஸ் ராஜா மற்றும் ராஜ்கிரணின் வளர்ப்பு மகளுக்கு திருமணம் முடிந்து ஒரு வாரம் தான் ஆகி இருக்கும் நிலையில் தனது மனைவிக்காக முனீஸ் ராஜா ஐம்பது லட்சம் அளவில் வீடு கட்டி இருக்கிறார் என்ற செய்தி அவருடைய ரசிகர்களிடம் மகிழ்ச்சியை கொடுத்திருக்கிறதாம். அதனால் அவருக்கு வாழ்த்துக்களை கூறி, உங்களை ஏளனம் செய்தவர்கள் முன்பு நீங்கள் நிமிர்ந்து சந்தோஷமாக வாழ வேண்டும் என்று கூறி வருகிறார்கள். அதே சமயம் ராஜ்கிரணின் தீவிரமான ரசிகர்கள் மனைவிக்காக இவர் வீடு கட்டி இருந்தால் அதை எதற்கு சமூக வலைதளத்தில் அனைவரிடமும் தெரிவிக்க வேண்டும். இது ராஜ்கிரணை கடுப்பு ஏற்றுவதற்காக தான் இந்த வீடியோவா?? என்று கேள்விகளை எழுப்பி வருகிறார்கள்.

English summary

Serial actor Munish Raja has said in a video that he is building a house for his wife for 50 lakhs. While the fans who saw this video are congratulating, some netizens are raising questions as to why this should be reported on social media.