சன் டிவிக்கு போன வெங்கடேஷ் பட்டின் புது பதிவு! இதுதான் வார்த்தையை விட்டு சிக்குறதா? ரசிகர்கள் கேள்வி

சென்னை: செஃப் "வெங்கடேஷ் பட்" குக் வித் கோமாளி நிகழ்ச்சியில் நடுவராக இருந்த நிலையில் அதிலிருந்து விலகி இப்போது சன் டிவியில் விரைவில் ஒளிபரப்பாக இருக்கும் "டாப் குக்கு.. டூப் குக்கு" என்ற நிகழ்ச்சியில் நடுவராக இணைந்திருக்கிறார். இதற்கான ப்ரோமோ நேற்று வெளியாகியிருக்கிறது.

இந்த நிலையில் அந்த ப்ரோமோவை தன்னுடைய சமூக வலைதள பக்கத்தில் பகிர்ந்த வெங்கடேஷ் பட் அது குறித்து ஒரு பதிவு ஒன்று வெளியிட்டு இருக்கிறார். அதுதான் இப்போது இணையத்தில் அதிகமாக விமர்சிக்கப்பட்டு வருகிறது.

அதாவது விஜய் டிவியில் ஒளிபரப்பாகி வரும் குக் வித் கோமாளி நான்கு சீசன்கள் வெற்றிகரமாக முடிவடைந்து இருந்த நிலையில் ஐந்தாவது சீசன் ஆரம்பிக்கும் முன்பே பெரிய அளவில் பிரச்சனைகள் வெடித்துக் கொண்டிருந்தது. அதாவது திடீரென்று நான்கு சீசன்களாக நடுவராக இருந்த வெங்கடேஷ் பட் தான் திடீரென வெளியேற போவதாக வீடியோ வெளியிட்டு இருந்தார்.

அதைத் தொடர்ந்து இயக்குனர், தயாரிப்பாளர், என ஒவ்வொருவராக இந்த நிகழ்ச்சியிலிருந்து வெளியேறியது ரசிகர்களுக்கு பெரும் அதிர்ச்சியை கொடுத்தது. இந்த நிலையில் குக் வித் கோமாளி ஐந்தாவது சீசன் கடந்த வாரத்தில் இருந்து ஒளிபரப்பாகி இருக்கிறது. இந்த நிலையில் கடந்த ஏப்ரல் 27 ஆம் தேதி சனிக்கிழமை இந்த நிகழ்ச்சி ஒளிபரப்பு செய்யப்பட்டபோது, இத்தனை சீசன்களாக நடுவராக இருந்த வெங்கடேஷ் பட் குறித்து யாரும் பேசவில்லை என்று குற்றசாட்டை ரசிகர்கள் வைத்திருந்தனர்.

இந்த நிலையில் அதற்கு பதிலளித்த வெங்கடேஷ் பட், "உண்மை ஒரு நாள் வெல்லும்" என்று கூறியிருந்தார். அதோடு இன்று இரவு 8 மணிக்கு ரசிகர்களுக்கு மகிழ்ச்சியான செய்தி ஒன்று இருக்கிறது என்றும் கூறியிருந்தார். ஏற்கனவே வெங்கடேஷ் பட் விஜய் டிவியில் இருந்து வெளியே வந்ததும் அவர் சன் டிவி நிகழ்ச்சியில் தான் கலந்து கொள்வார் என்று ரசிகர்கள் கூறி உள்ளனர்.

அதை உறுதிப்படுத்தும் விதமாக நேற்று டாப் குக்கு டூப் குக்கு என்ற புத்தம் புது நிகழ்ச்சிக்கான ப்ரோமோ வெளியாகியிருக்கிறது. இதில் ஜிபி முத்து, தீபா, மோனிஷா, பரத், தீனா, அதிர்ச்சி அருண் உட்பட குக் வித் கோமாளி நிகழ்ச்சியில் கோமாளியாக இருந்த பலர் சன் டிவி நிகழ்ச்சியில் கோமாளிகளாக கலந்து கொண்டு இருக்கின்றனர். கோமாளிகள் மட்டுமல்லாமல் இந்த புது நிகழ்ச்சியின் இயக்குனர் மற்றும் தயாரிப்பாளர் கூட குக் வித் கோமாளி நிகழ்ச்சியின் இயக்குனர் மற்றும் தயாரிப்பாளர் தான். இவர்களோடு பிரபலங்கள் குக்காக கலந்து கொள்ளும் நிகழ்ச்சி என்று வெங்கடேஷ் பட் அந்த ப்ரோமோவில் பேசி இருக்கிறார்.

இந்த ப்ரோமோ வெளியானதும் இணையத்தில் அதிகமாக விமர்சிக்கப்பட்டு வருகிறது. இந்த நிலையில் இந்த ப்ரோமோவை தன்னுடைய சமூக வலைதள பக்கத்தில் பகிர்ந்த வெங்கடேஷ் பட் ,The Content is king always and content that is original is the Emperor .. A fresh new show from the stables of Media Masons on Sun TV very soon.....as always with all your support embarking on a new journey என்று குறிப்பிட்டு இருக்கிறார்.

எதிர்நீச்சல்: இந்த ஒரு சீனுக்காக எடுத்த ரிஸ்க்.. வீடியோ வெளியிட்ட ஜனனி.. முதலில் இதை கவனிங்க பாஸ்
இதற்கு ரசிகர்கள் நேற்று உங்களை குக் வித் கோமாளி நிகழ்ச்சியில் எல்லோரும் மிஸ் பண்ணுகிறோம் என்று பேசவில்லை என்று உண்மை ஒருநாள் வெளிவரும் என்று கூறி இருந்தீர்கள். நீங்கள் இன்று நான்கு வருடமாக பணியாற்றிய விஜய் டிவியில் இருந்து வெளியே வந்ததும் சன் டிவியில் நீங்கள் நடுவராக இருக்கும் நிகழ்ச்சி தான் ஒரிஜினல் நிகழ்ச்சி என்று கூறுவது சரியா? என்றும் கேள்வி எழுப்பி வருகிறார்கள்.

English summary

Chef “Venkatesh Bhatt” who was a judge on the show Cook with comali is now joining Sun TV as a judge on the soon to be telecasted show “Top cooku Dupe Cooku”. The promo for this was released yesterday.