தனுசு ராசிக்கு அடிக்கும் ஜாக்பாட்.. அடுத்தடுத்து அதிர்ஷ்டம்.. கையெழுத்து விஷயத்தில் ரொம்ப கவனம்

வார ராசி பலன்: 2025 ஆம் ஆண்டு நிறைவடைந்து புத்தாண்டு பிறந்துள்ளது. இந்த வாரம் ஜனவரி 5 ஆம் தேதி முதல் 11 ஆம் தேதி வரை, மார்கழி 21 ஆம் தேதி முதல் மார்கழி 27 ஆம் தேதி வரையிலான இந்த வாரத்திற்கான தனுசு ராசி பலன்கள் குறித்து விரிவாகப் பார்க்கலாம். இந்த வாரம் எப்படி இருக்கும், என்ன மாதிரியான பலன்கள் கிடைக்கப் போகின்றன, வழிபட வேண்டிய தெய்வங்கள் குறித்து இந்த ஜோதிட கட்டுரையில் தெரிந்து கொள்ளலாம்.

2026 புத்தாண்டில் பல்வேறு முக்கிய கிரகங்களின் இடமாற்றம் நடைபெறவுள்ளன. ஒவ்வொரு கிரகங்களும் குறிப்பிட்ட கால இடைவெளியில் ஒரு ராசியில் இருந்து மற்றொரு ராசிக்குப் பெயர்ச்சியாக வழக்கம். இந்த கிரகங்களின் நிலை மாற்றம் மற்றும் இடப்பெயர்ச்சியானது 12 ராசிகளிலும் தாக்கத்தை ஏற்படுத்தும். சில ராசிக்காரர்களுக்கு நல்ல பலன்களையும், சில ராசிக்காரர்களுக்கு அசுப பலன்களையும் உண்டாக்கும்.

மார்கழி மாதம் பீடை மாதம் என்பார்கள். ஆனால், அப்படியல்ல மிகவும் உத்தமமான மாதமாகும். மார்கழி மாதத்தில் தினமும் பிரம்ம முகூர்த்தத்தில் அகல்விளக்கு ஏற்றி வருவது உங்களுக்கு அற்புதமான நன்மைகளைத் தரும். அந்த வகையில், ஜனவரி 5 ஆம் தேதி முதல் 11 ஆம் தேதி வரை, மார்கழி 21 ஆம் தேதி முதல் மார்கழி 27 ஆம் தேதி வரையிலான இந்த வாரத்திற்கான தனுசு ராசி பலன்கள் குறித்து தெரிந்து கொள்ளலாம்.

தனுசு

தனுசு ராசிக்காரர்களுக்கு யோக பலன்கள் அதிகளவில் கிடைக்கும். மேலதிகாரிகள் விஷயத்தில் அதிக கவனமாக இருக்க வேண்டும். சட்டத்திற்குப் புறம்பானவர்களின் தொடர்புகளை தவிர்த்துக் கொள்வது நன்மை பயக்கும். தான் உண்டு, தன்னுடைய வேலை உண்டு என்றிருப்பது நல்லது. வண்டி, வாகனத்தில் செல்லும்போது ஸ்டன்டுகளை செய்யாமல் விதிமுறைகளைக் கடைப்பிடித்துச் செல்வது நல்லது.

முன்னேற்றம்

தொழில், வியாபாரம், உத்தியோகம், படிப்பு என எல்லா விஷயங்களிலும் அபிவிருத்தியும், முன்னேற்றமும் ஏற்படும். எடுத்த காரியங்களில் வெற்றி ஏற்படும். வியாபாரத்தில் அனுகூலம் ஏற்படும். அரசுத் துறை, அரசியல்வாதிகள் மிக கவனமாக இருப்பது நல்லது. வியாபாரிகள் ஜிஎஸ்டி, இன்கம் டாக்ஸ் போன்ற விஷயங்களை சரியாக வைத்துக் கொள்ள வேண்டும்.

தடை நீங்கும்

சுபகாரியத்தில் இருந்து வந்த தடைகள் நீங்கும். வேற்று மொழி மனிதர்களால் அதிகளவில் ஆதாயம் ஏற்படும். இடமாற்றம், உத்தியோக மாற்றம், வியாபார மாற்றம், படிப்பு மாற்றம் என அனைத்து விஷயங்களிலும் முன்னேற்றம் ஏற்படும். தனிப்பட்ட முறையில் உங்களுடைய செல்வாக்கு கூடும். பூமி சம்பந்தப்பட்ட சிக்கல்கள், பாதிப்புகள் அனைத்தும் நீங்கும். இழுபறியாக இருக்கும் அனைத்து விஷயங்களிலும் அடுத்தடுத்து முன்னேற்றம் உண்டாகும்.

ஆவணங்களில் கவனம்

ஆவணங்கள் விஷயத்தில் மிகுந்த கவனம் தேவை. கையெழுத்துப் போடுவதற்கு முன்பு ஒருமுறைக்கு இருமுறை படித்துப் பார்த்துவிட்டு போடுவது நல்லது. கடன் வாங்கும் சமயத்தில் ஆவணங்களின் நகலை நீங்கள் வாங்கி வைத்துக் கொள்வது நல்லது. வங்கிகள், வெளியிடங்கள் என எந்தப் பகுதியில் கடன் வாங்கினாலும் ஆவணங்களின் நகலை நீங்கள் வாங்கி வைத்துக் கொள்வது எதிர்காலத்திற்கு நன்மை பயக்கும்.

ஆரோக்கியம், வழிபாடு

நரம்பு, தலைவலி, கழுத்து, ஹார்மோன் சம்பந்தப்பட்ட பிரச்சனைகள் அதிகளவில் பாதிப்புகள் வரும் வாய்ப்புள்ளதால் மிகுந்த கவனம் தேவை. டெல்லியில் வசிக்கும் தனுசு ராசிக்காரர்கள் காற்று மாசில் சிக்கும் வாய்ப்புள்ளதால் மிகுந்த கவனமாக இருக்க வேண்டும். பெருமாள், தாயார், அனுமன் வழிபாடு உங்களுக்கு ஏற்றத்தைக் கொடுக்கும். பெருமாள் கோயில்களுக்கு வெண்மலர்கள், வெண்சாமந்தி கொடுப்பது உங்களுக்கு ஏற்றத்தைக் கொடுக்கும்.

English summary

Dhanusu weekly rasi palan: In this astrological article, you can learn about the benefits that Dhanusu (Sagittarius) signs will get from January 5 to 11.