பெங்களூரில் மனைவி தொல்லை.. எந்த புதுமாப்பிள்ளைக்கு இப்படி ஆகவே கூடாது.. கனவிலும் நினைக்காத சம்பவம்

Updated: Tuesday, November 11, 2025, 10:49 [IST]

Subscribe to Oneindia Tamil

பெங்களூர்: திருமணம் ஆன புதிதில் கணவன் மனைவி இடையே கருத்து வேறுபாடு ஏற்படுவது என்பது இயல்பு. இருவரும் வேறு வேறு வாழ்க்கை சூழலில் வாழ்ந்து பழகியவர்கள். இருவருக்கும் வாழ்வியல் ரீதியாக நடைமுறையில் பழகிக்கொள்வது என்பது சவாலானதாகவே இருக்கும். அதனை இருவரும் அனுசரித்து, எது சரியானது என்பதை புரிய வைத்து வாழ வேண்டும். அதைவிடுத்து அவசரப்பட்டு வாழ்க்கையில் முடிவெடுப்பது தவறு.. பெங்களூரில் நடந்த சம்பவம் பற்றி பார்ப்போம்.

புதிதாக திருமணம் ஆன கணவன் மனைவி இடையே பரஸ்பரம் புரிதல் ஏற்படுவதற்கு முன்பே, சண்டைகள் அதிகமாகி பிரிந்துவிடுவது அதிகமாகி வருகிறது. எதிர்பார்ப்புகளுடன் வரும் இருவருமே, ஒருவரை ஒருவர் புரிந்து கொள்வதற்கு பதில், ஒருவரை ஒருவர் கட்டுப்பாட்டில் வைக்க விரும்புகிறார்கள். இதில் இருவருமே வீம்பாக இருக்கும் போது, சண்டை தொடங்குகிறது.

This is something no newlywed should do to his wife in Bangalore an unimaginable incident

என்ன காரணம்

இரு குடும்ப வீட்டில் உள்ளவர்களின் பழக்க வழக்கங்கள், கலாச்சாரங்கள், எதிர்பார்ப்புகள் இவற்றை புறம்தள்ளி மனம் போன போக்கில் வாழ விரும்புகிறார்கள். இது இருவருக்கும் இடையே சண்டையாக மாறுகிறது. இந்த சண்டையில் பிரிவது ஒரு கொடுமை எனில், தவறான முடிவெடுக்கவும் செய்கிறார்கள். கர்நாடகா மாநிலம் பெங்களூரில் திருமணம் ஆன 8 மாதத்தில் புது மாப்பிள்ளை தவறான முடிவெடுத்து வாழ்க்கையை முடித்துக் கொண்டுள்ளார்.

பெங்களூரு கிரிநகர் பகுதியில் வசித்து வந்த 29 வயதாகும் ககன்ராவ், வங்கி ஒன்றில் ஊழியராக வேலை பார்த்து வந்தார். இவரது மனைவி பெயர் மேகனா ஜாதவ். இருவருக்கும் கடந்த 8 மாதங்களுக்கு முன்பு கல்யாணம் நடந்தது. நேற்று முன்தினமும் ககன்ராவிடம், அவரது மனைவி தகராறு செய்துள்ளார். இதனால் மனம் உடைந்த ககன்ராவ் வாழ்க்கையை முடித்துக் கொள்ள முடிவு செய்தார்.

அண்ணனின் முடிவுக்கு அண்ணி காரணம்

அதன்படி அவர் தனது வீட்டில் உள்ள படுக்கை அறையில் தூக்கிட்டு உயிரை மாய்த்துக் கொண்டார். இதுபற்றி அறிந்ததும் ககன்ராவின் குடும்பத்தினர் கதறி அழுதனர். சம்பவம் பற்றி தகவல் அறிந்ததும் போலீசார் விரைந்து வந்து, தற்கொலை செய்த ககன்ராவின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பிவைத்தனர். தனது அண்ணனின் சாவுக்கு அவரது மனைவி மேகனா ஜாதவ் தான் காரணம் என ககன்ராவின் சகோதரி போலீசில் புகார் அளித்துள்ளனர். இதுபற்றி விசாரணை நடத்தி வருகிறார்கள்.

அக்டோபரில் ஒரு ஜோடி

முன்னதாக கடந்த அக்டோபரில் இதேபோன்ற ஒரு சம்பவம் நடந்தது. கர்நாடகா மாநிலம் பெங்களூரு தெற்கு (ராமநகர்) மாவட்டம் ஆரோஹள்ளி அருகே அன்னதொட்டி கிராமத்தை சேர்ந்த 30 வயதாகும் ரேவந்த்குமார். இவருக்கும், மல்லிகா என்ற இளம்பெண்ணுக்கும் கடந்த 5 மாதத்திற்கு முன்பு தான் கல்யாணம் நடந்தது. பிடதியில் உள்ள ஒரு தொழிற்சாலையில் ரேவந்த்குமார் வேலை பார்த்து வந்தார். திருமணத்திற்கு பின்பு புதுமண தம்பதி சந்தோஷமாக வாழ்ந்தனர்.

மனைவியே காரணம்

ஆனால் அண்மை காலமாக ரேவந்த்குமாருக்கும், அவரது மனைவி மல்லிகாவுக்கும் இடையே அடிக்கடி சண்டை ஏற்பட்டு வந்ததாக கூறப்படுகிறது. இதன் காரணமாக ரேவந்த்குமார் மனம் உடைந்துபோனாராம். இந்த நிலையில் கடந்த அக்டோபர் 21ம் தேதி காலையில் கணவன்-மனைவி இடையே தகராறு ஏற்பட்டுள்ளது. இதனால் வீட்டில் இருந்து வெளியே வந்த ரேவந்த்குமார் பிடதி ரயில் நிலையத்திற்கு சென்றார். பின்னா் அங்கு வந்த ரயில் முன்பாக திடீரென்று ரேவந்த்குமார் பாய்ந்தார். இதனால் உயிரிழந்தார். கடைசியாக அவர் செல்பி வீடியோவில் பேசி தனது சமூக வலைதள பக்கத்தில் பதிவிட்டு இருந்தார். அந்த வீடியோவில் திருமணத்திற்கு பின்பு தனது மனைவி மல்லிகா மிகுந்த தொல்லை கொடுக்கிறார். தனது முடிவுக்கு அவரே காரணம். அவரது தொல்லையை தாங்கிக்கொள்ள முடியாமல் தான் இந்த முடிவை எடுக்கிறேன் என்று பேசி இருந்தார். இந்த சம்பவம் அப்போது பரபரப்பை ஏற்படுத்தியது.