துபாயில் அல் ரவாபி பண்ணைத் திருவிழா: அனுமதி இலவசம்

By Siva

Published: Friday, April 8, 2011, 11:54 [IST]

Subscribe to Oneindia Tamil

துபாய்: துபாயில் பால்பொருள் விற்பனையாளரான அல் ரவாபி நிறுவனம் நடத்தும் பண்ணைத் திருவிழா இன்றும், நாளையும்(8&9-4-2011) நடக்கிறது.

துபாயில் பால்பொருள் விற்பனையாளரான அல் ரவாபி நிறுவனம் பண்ணைத் திருவிழாவினை இன்றும், நாளையும் பிற்பகல் 3 மணி முதல் இரவு 10 மணி வரை நடத்துகிறது.

இந்த விழா வாடிக்கையாளர்கள் தங்களது பொருட்கள் எவ்வாறு தயாரிக்கப்படுகிறது என்பதனைத் தெரிந்து கொள்ள உதவும் வகையில் ஏற்பாடு செய்யப்பட்டுள்ளது. அல் ராவாபி பண்ணையில் நடக்கும் இந்த விழாவிற்கு நுழைவுக் கட்டணம் கிடையாது.

இதனையொட்டி குழந்தைகளுக்கு பெயிண்டிங் உள்ளிட்ட பல்வேறு போட்டிகளும், பெண்களுக்கு ஹென்னா உள்ளிட்ட அழகு சாதனங்கள் குறித்த ஆலோசனைகளும் வழங்கப்படுகிறது.

இந்த விழா குறித்து மேலும் விபரம் அறிய விரும்புவோர் 800 4027 என்ற எண்ணில் தொடர்பு கொள்ளலாம். அல்லது www.alrawabidairy.com என்ற இணையதளத்தில் சென்று பார்க்கலாம்.

Published On April 8, 2011