துபாயில் மார்க்க சொற்பொழிவு நிகழ்ச்சி

துபாய்: துபாய் சுன்னத் வல் ஜமாஅத் ஐக்கியப் பேரவையின் மார்க்க சொற்பொழிவு நிகழ்ச்சி 16.05.2012 அன்று மாலை அஸ்கான் டி பிளாக்கில் நடைபெற்றது.

துவக்கமாக இறைவசனங்கள் ஓதப்பட்டது. திருச்சி சையது ஹதீஸ் வாசித்தார். விருதுநகர் சையது ஹுசைன் தீனிசைப் பாடல் பாடினார்.

இந்திய யூனியன் முஸ்லிம் லீக் தலைமை நிலைய பேச்சாளர் திருப்பத்தூர் நாவலர் கௌஸ் முஹைதீன் இஸ்லாத்திற்காக பெண்கள் செய்த தியாக வரலாற்றை உருக்கமாக நினைவு கூர்ந்தார்.

முஹிப்புல் உலமா முஹம்மது மஃரூப் நிகழ்ச்சியை தொகுத்து வழங்கினார். இந்த நிகழ்ச்சியில் சாதிக் காக்கா, தாவூத் அலி மன்பஈ உள்ளிட்ட பலர் பங்கேற்றனர். பெண்களுக்கு தனியிட வசதி செய்யப்பட்டிருந்தது.

English summary

Sunnath wal jamaath's religious speech programme was held at Ascon D block in Dubai on may 16.