துபாய் த‌மிழ்ப் பெண்க‌ள் ச‌ங்க‌ம் ந‌ட‌த்திய‌ சித்திரை விஜ‌ய‌ம் நிக‌ழ்ச்சி

By Siva

Updated: Tuesday, May 21, 2013, 13:23 [IST]

Subscribe to Oneindia Tamil

துபாய்: துபாய் தமிழ்ப் பெண்கள் சங்கத்தின் சித்திரை விஜயம் நிகழ்ச்சி கடந்த 17ம் தேதி அன்று ஜபில் ஸ்கூல் கராமாவில் வைத்துச் சிறப்பாக நடைபெற்றது.

நிகழ்ச்சிக்கு உறுப்பினர்கள் பெருந்திரளாக வந்து சிறப்பித்தனர். காயத்ரி சந்திரசேகர் வந்திருந்தோரை வரவேற்க, தமிழ்த்தாய் வாழ்த்துடன் நிகழ்ச்சி இனிதே துவங்கியது. சங்கத் தலைவி மீனாகுமாரி பத்மநாதன் வரவேற்புரை வழங்கியதோடு சித்திரை விஜயம் பற்றி சிறு கவிதை மூலமாகத் தன்னுடைய கருத்துக்களை உறுப்பினர்களுக்கு தெரிவித்துக் கொண்டார்.

சிறு குழந்தைகள் வண்ண உடை உடுத்தி மனதை மயக்கவும், குழந்தைத் தொழிலாளர் குறித்து நச்சென்று சில செய்திகளைக் குழந்தைகளே சொன்ன விதமும் அழகு குறள் சொல்லும் நேரத்தில் அடக்கம் அதிகாரத்தில் குழந்தைகள் குறளோடு பொருள் சொல்லி அடக்கத்தின் மேன்மை விளக்கினர். இந்து பத்மநாதனின் நடன அமைப்பில் பாம்பிற்கும் மயிலுக்குமான நடனம் சபாஷ் சரியான போட்டி என்ற பாரட்டைப் பெற்றது.

வீணை, வயலின், கீபோர்டு மூன்றின் சங்கமத்தில் இசை அமுத மழையாகப் பாய வழி செய்தவர் மாஸ்டர் பாபு அவர்கள். உடலில் ஊனமிருக்கலாம் ஆனால் மனதில் இல்லாமல் இருந்தால் வெற்றி நிச்சயம் என்ற கருத்தில் சிறுவர்களின் நடனத்தை வடிவமைத்து அனைவரின் பாரட்டையும் பெற்றார் ஸ்ரீரங்கநாச்சியார் அசோக்குமார். திருமதி ஷோபா குடும்பத்தினரின் வாழும் வரைப் போராடுவோம் என்ற முயற்சிக்கான பாடல் அருமை. ரமா மலர்வண்ணனின் குழந்தைகள் செய்யும் குறும்புகள் அனைத்தும் ஓவியமே கவிதையும், அவரோடு ரமா ராம்நாத், உமா பாலாஜி ஆகியோரின் பொருள் திரிந்த பழமொழிகளின் சரியான விளக்கம் குறித்தக் கலந்துரையாடலும் அருமையாக இருந்தது.

நிகழ்ச்சியில் கலந்து கொண்ட அனைவருக்கும் சான்றிதழும், பரிசும் வழங்கப்பட்டன. நிகழ்ச்சிக்கு வருகை தந்திருந்த அனைவருக்கும் மீனாட்சி செட்டிநாடு உணவகத்தின் சுவையான உணவு வழங்கப்பட்டது. வருகை, வெற்றி குறித்த பொருளில் அமைந்த சித்திரை நிகழ்ச்சியின் சிறப்பு போல வருகின்ற அனைத்து நிகழ்ச்சிகளும் அமையட்டும் என்று வந்திருந்தோர் வாழ்த்திச் சென்றது மனதிற்கு நிறைவாக இருந்தது.

நிகழ்ச்சியின்போது எடுக்கப்பட்ட புகைப்படங்கள் இதோ...