முகப்பு | திருக்குறள் | காமத்துப்பால் | களவியல் | நாணுத் துறவுரைத்தல்

திருக்குறள் நாணுத் துறவுரைத்தல் அதிகாரம் - 114

Naanuth Thuravuraithal - The abandonment of modesty

அதிகார விளக்கம்: காதல் நிறைவேறாதபோது காதலன் தனது நாணத்தையும் தயக்கத்தையும் துறந்து காதலை வெளிப்படுத்தும் நிலை இவ்வதிகாரத்தில் கூறப்படுகிறது. காதலின் தீவிரம் சமூக வெட்கத்தையும் தனிப்பட்ட கட்டுப்பாட்டையும் கடக்கச் செய்கிறது.

குறள் பால்

அறத்துப்பால் பொருட்பால் காமத்துப்பால்

குறள் இயல்

களவியல் கற்பியல்

அதிகாரம்

தகை அணங்குறுத்தல் குறிப்பறிதல் புணர்ச்சி மகிழ்தல் நலம் புனைந்து உரைத்தல் காதற் சிறப்புரைத்தல் நாணுத் துறவுரைத்தல் அலர் அறிவுறுத்தல்

நாணுத் துறவுரைத்தல் அதிகாரம் - குறள்கள்

எண்	குறள்
1131	காமம் உழந்து வருந்தினார்க் கேம மடலல்ல தில்லை வலி பொருள்: காதல் நிறைவேற முடியாமல் வருந்தும் காதலர்க்கு மடல் ஏறுதலைத் தவிர வேறு பலம் இல்லை.
1132	நோனா உடம்பும் உயிரும் மடலேறும் நாணினை நீக்கி நிறுத்து பொருள்: காதலை நிறைவேற்ற முடியாது வருந்தும் இந்த உடலும் உயிரும் வெட்கத்தை விட்டுவிட்டு மடல் ஏற எண்ணுகின்றன.
1133	நாணொடு நல்லாண்மை பண்டுடையேன் இன்றுடையேன் காமுற்றார் ஏறும் மடல் பொருள்: நாணமும் ஆண்மையும் முன்பு பெற்றிருந்தேன்; இன்றோ காதலர் ஏறும் மடலைப் பெற்றிருகிறேன்.
1134	காமக் கடும்புனல் உய்க்குமே நாணொடு நல்லாண்மை என்னும் புணை பொருள்: ஆம்; நாணம், ஆண்மை என்னும் படகுகளைக் காதலாகிய கடும் வெள்ளம் அடித்துக் கொண்டு போய்விட்டது.
1135	தொடலைக் குறுந்தொடி தந்தாள் மடலொடு மாலை உழக்கும் துயர் பொருள்: மாலைப் பொழுதுகளில் நான் அடையும் மயக்கத்தையும் அதற்கு மருந்தாகிய மடல் ஏறுதலையும், மலை போல வளையல் அணிந்திருக்கும் அவளே எனக்குத் தந்தாள்.
1136	மடலூர்தல் யாமத்தும் உள்ளுவேன் மன்ற படலொல்லா பேதைக்கென் கண் பொருள்: அவள் குணத்தை எண்ணி என் கண்கள் இரவெல்லாம் உறங்குவதில்லை. அதனால் நள்ளிரவிலும்கூட மடல் ஊர்வது பறிறயே எண்ணுவேன்.
1137	கடலன்ன காமம் உழந்தும் மடலேறாப் பெண்ணிற் பெருந்தக்க தில் பொருள்: அதுதான் அவள் பெருமை; கடல் போலக் கரையில்லாத காதல் நோயை அவளும் அனுபவித்தாலும் மடல் ஊராது பொறுத்திருக்கும் பெண் பிறவியைப் போலப் பெருமையான பிறவி இவ்வுலகத்தில் வேறு இல்லை.
1138	நிறையரியர் மன்னளியர் என்னாது காமம் மறையிறந்து மன்று படும் பொருள்: இவள் மன அடக்கம் மிக்கவள்; பெரிதும் இரக்கப்பட வேண்டியவள் என்று எண்ணாமல் இந்த காதல் எங்களுக்குள் இருக்கும் இரகசியத்தைக் கடந்து ஊருக்குள்ளேயும் தெரியப்போகிறது.
1139	அறிகிலார் எல்லாரும் என்றேயென் காமம் மறுகின் மறுகும் மருண்டு பொருள்: என் காதல் எனது மன அடக்கத்தால் எல்லாருக்கம் தெரியவில்லை என்று எண்ணி அதைத் தெரிவிக்க தெருவெங்கும் தானே அம்பலும் அலருமாய்ச் சுற்றிச் சுற்றி வருகிறது.
1140	யாம்கண்ணிற் காண நகுப அறிவில்லார் யாம்பட்ட தாம்படா ஆறு பொருள்: நான் பார்க்க, இந்த அறிவற்ற மக்கள் என்னைப் பார்த்துச் சிரிக்கின்றனர். அப்படிச் சிரிக்க காரணம், நான் அனுபவித்த துன்பங்களை அவர்கள் அனுபவிக்காததே!

காதற் சிறப்புரைத்தல்

அலர் அறிவுறுத்தல்