தனுசு ராசிக்கு அள்ளிக் கொடுக்கும் குரு, சுக்கிரன்.. ராஜயோகத்தால் வாழ்க்கையே குஷியாகப் போகுது
Aavani matha palan: ஆடி மாதம் நிறைவடைந்து ஆவணி மாதம் பிறக்கப் போகிறது. 2025 ஆம் ஆண்டின் ஆவணி மாதத்தில் தனுசு ராசிக்கான பலன்கள், பரிகாரங்கள், என்னென்ன நன்மைகள் கிடைக்கும், கவனமாக இருக்க வேண்டிய விஷயங்கள் என்ன என்பது குறித்து இந்த ஜோதிட கட்டுரையில் தெரிந்து கொள்ளலாம்.
2025 ஆவணி மாதம் பிறக்கப் போகிறது. சூரியனின் இயக்கத்தை வைத்தே தமிழ் மாதங்கள் ஆரம்பமாகின்றன. அதன்படி, தலைமை கிரகமான சூரியன் ஆட்சி என்கிறது உயர்நிலை அமைப்போடு சிம்மத்தில் வலுவாக இருக்கப் போகிறார். இது விசேஷமான அமைப்பாகும். குரு மிதுனத்திலும், சனி மீனத்திலும், சுக்கிரன், புதனின் இயக்கங்கள் கடகத்திலும், சிம்மத்திலும் மாறியிருக்கின்றன.
கன்னியில் செவ்வாய் இருப்பது நல்ல விசேஷமான நிலையாகும். புதனில் குருவும், செவ்வாயும், கடகத்தில் சூரியன், புதன், சுக்கிரன் இருப்பது நல்ல அமைப்பாகும். கும்பத்தில் இருக்கும் ராகுவை குரு பார்ப்பது நல்ல மாற்றங்களைத் தரும். அந்த வகையில் இந்த ஆண்டு ஆடி மாதம் நிறைவடைந்து ஆவணி மாதம் பிறக்கிறது.
இந்த ஆவணி மாதத்தில் தனுசு ராசிக்காரர்களுக்கு கிடைக்கும் பலன்கள், பரிகாரங்கள், வழிபட வேண்டிய தெய்வங்கள், ஏற்படப் போகும் மாற்றங்கள் குறித்து இந்த ஜோதிட கட்டுரையில் விரிவாகப் பார்க்கலாம்.
தனுசு
தனுசு ராசிக்காரர்களுக்கு அட்டகாசமான மாதமாக இருக்கும். செவ்வாய் 10 ஆம் இடத்தில் இருக்கிறார். பாக்கியாதிபதியான சூரியன் 8 இல் மறைந்திருந்த நிலையில் இப்போது 9 ஆம் இடத்தில் இருக்கிறார். தந்தை வழியிலான நன்மைகள் ஏற்படும். பாக்கியங்கள், கோயில் திருப்பணி தொடர்பான விஷயங்கள், ஆலயத் திருப்பணி, யாத்திரிகள் தொடர்பான விஷயங்கள் என அனைத்து விஷயங்களிலும் அற்புதம் ஏற்படும்.
குரு, சுக்கிரன்
மாதத்தின் ஆரம்பத்தில் 7 ஆம் இடத்தில் இருந்த குரு, சுக்கிரன் இருவரும் ராசியைப் பார்க்கின்றனர். இரண்டு சுபர்கள் வலுத்துப் பார்க்கின்றனர். தனுசு ராசிக்காரர்களுக்கு முதுகில் குத்த தெரியாது. பிறரை கெடுத்து வாழ தெரியாது. தனுசு ராசிக்காரர்கள் நல்லவர்களாக இருப்பதுதான் உங்களுக்கு பலவீனமே. இனி உங்களுக்கு படிப்படியாக நன்மைகள் ஏற்படும் காலகட்டமாக இருக்கும்.
அனுகூலம்
தந்தை வழியிலான நன்மைகள் ஏற்படும். அப்பாவின் உடல்நிலை சரியில்லை, கணவர், மனைவிக்கு அப்பாவுடன் ஆகவில்லை என்ற வருத்தங்களில் இருப்பவர்களுக்கு அந்த நிலைகள் எல்லாம் மாறும். தந்தை தொடர்பான விஷயங்களில் அனைத்து விதமான நன்மைகளும் ஏற்படும். இல்லையெனில் அவர் மூலமாக உங்களுக்கு நன்மைகள் ஏற்படும். தந்தை வழி சார்ந்த விஷயங்களில் மிகப்பெரிய நல்ல மாற்றங்கள் ஏற்படும்.
சொத்துகளை அனுபவிக்கும் யோகம்
அப்பா தந்த சொத்துகளை அனுபவிக்க முடியாமல் கோர்ட், கேஸ் என அலைந்து கொண்டிருந்திருப்பவர்களுக்கு சுமூகமான நல்ல தீர்வுகள் கிடைக்கும். 9 ஆம் இடத்தில் சூரியன் வலுவாக இருக்கக்கூடிய அமைப்பில் தொழில் செய்யக்கூடிய தைரியம் உண்டாகும். தொழில் அமைப்புகளில் சரியான இடத்தில் கடை கிடைக்கவில்லை, வேலை ஆட்கள் கிடைக்கவில்லை என்றிருந்தவர்களுக்கு உதவிகள் கிடைக்கும் காலகட்டமாக இருக்கும்.
வெற்றி
பெரும்பான்மையான விஷயங்கள் உங்களுக்கு நன்மையையும், வெற்றியையும் ஏற்படுத்தும். 4 ஆம் இடத்தில் சனி இருப்பதால் அம்மா சார்ந்த விஷயங்களில் சிறு மன வருத்தங்கள் இருக்கும். என் பேச்சையே கேட்பதில்லை என்பது போன்று சில விஷயங்களில் நம்மைப் பற்றி கவலைப்படக்கூடிய நிலை ஏற்படும். தூர இடத்தில் இருப்பவர்களுக்கு அம்மா தொடர்பான கவலைகள் இருக்கும்.
அர்த்தாஷ்டம சனி
அம்மாவிடம் சில விஷயங்களுக்கு அனுமதி வாங்குவதில் அர்த்தாஷ்டம சனியின் காரணமாக கருத்து வேறுபாடுகள் வருவதற்கான வாய்ப்புள்ளது. மற்றபடி அனைத்து விஷயங்களிலும் உங்களுக்கு சாதமாக நிலை ஏற்படும். இனி படிப்படியாக உங்களுக்கு நன்மைகள் ஏற்படும் காலகட்டமாக இருக்கும். தொழில், வியாபாரம், உத்தியோகம் என அனைத்து விஷயங்களிலும் நன்மை பெறுவீர்கள்.
Click it and Unblock the Notifications
Sign in with Google