காவிரி விஷயம் தெரியுமா.. விவசாயிகள் வாழ்க்கையில் விளையாடாதீங்க விஜய்.. எடப்பாடி பழனிசாமி சுளீர்

Subscribe to Oneindia Tamil

சென்னை: தவெக ஆட்சியமைத்து 6 மாதங்களாகிவிட்டது. திமுக, அதிமுகவின் 50 ஆண்டு திராவிட ஆட்சிக்கு முடிவு கட்டி தவெக அரியணையில் ஏறியது. மக்கள் பல்வேறு மாற்றங்கள் கிடைக்கும் என்று எதிர்பார்த்தனர். ஆனால் ஏமாற்றமே மிஞ்சியுள்ளதாக எதிர்க்கட்சிகள் புகார் கூறியுள்ளன. விவசாயிகள் பயிர்கடன் தள்ளுபடி என்று தவெக தேர்தல் வாக்குறுதி கொடுத்தது. சொன்னபடி செய்யவில்லை என விவசாயிகள் குற்றம் சாட்டியுள்ளனர். காவிரியில் கர்நாடகா அரசு தண்ணீர் திறக்க மறுப்பதால் டெல்டா விவசாயிகள் கடுமையாக பாதிக்கப்பட்டுள்ளனர்.

அதிமுக பொதுச்செயலாளரும், முன்னாள் முதலமைச்சருமான எடப்பாடி பழனிசாமி தன்னுடைய சமூகவலைதள பக்கத்தில் பதிவு வெளியிட்டுள்ளார். அதில், "காவிரி விவகாரம் தொடர்பாக தமிழக அரசின் இரண்டு இடையீட்டு மனுக்களை தள்ளுபடி செய்துள்ளது உச்சநீதிமன்றம். அதுவும், இந்த இரண்டு மனுக்களை ஒரே வார்த்தையில் 'டிஸ்மிஸ்டு' எனக் கூறி தள்ளுபடி செய்துள்ளதாக செய்திகள் வருகின்றன.

edappadi-palanisamy-slams-vijay-over-cauvery-water-case

கர்நாடகா முதல்வரை கண்டிக்க வக்கில்லை

இப்படி ஒரு விஷயம் நடந்திருப்பதே இன்றைய முதல்வருக்கு தெரியாது என்பதால், தீர்ப்பில் இருந்து சில பக்கங்களை இணைத்துள்ளேன். இந்த அவமானம் 'வெற்றி'மாடல் புத்தகத்தின் எந்தப் பக்கத்தில் வரப் போகிறத. காவிரி விவகாரம் தொடர்பாகஅனைத்துக் கட்சிக் கூட்டம் கூட்ட மாட்டீர்கள்.காங்கிரஸ் கட்சியோடு காவிரி குறித்து பேசமாட்டீர்கள்.சட்டப் போராட்டத்தையும் ஒழுங்காக நடத்த மாட்டீர்கள். தமிழ்நாட்டிற்கு நேரெதிராக பேசிவரும் கர்நாடக முதல்வரை ஒரு வார்த்தை கூட கண்டிக்க வக்கில்லை.

ஆனால் டெல்லியில் அவரோடு போட்டோவுக்கு போஸ் கொடுக்கிறீர்கள். ஜூன் 12 ஆம் தேதியன்று மேட்டூர் அணையை திறக்க முடியாமல் ஏற்கனவே குறுவை சாகுபடி வீணாகிப் போனது. தற்போதும் கர்நாடக அரசு தண்ணீரை முழுமையாக வழங்காமல் இருப்பதாலும், நமக்கு உரிமையான நீரைப் பெற வக்கற்ற இங்குள்ள தவெக கூட்டணி அரசாலும், விவசாயிகளுக்கு தண்ணீர் வந்து சேராமல், இந்த கையாலாகாத அரசால் சம்பா சாகுபடியும் பாதிக்கப்பட உள்ளது.

நீலிக்கண்ணீர்

டெல்லிக்கு போய் சோனியா காந்தியின் குடும்பக் கதையை கேட்டு சிரிக்க இருந்த நேரம், தமிழக விவசாயிகளைப் பற்றி பேச கொஞ்சம் கூட இல்லையா முதலமைச்சர் விஜய் அவர்களே. எப்போது பார்த்தாலும் 'எனக்கு எதிராக சதி செய்கிறார்கள்' என்று நீலிக்கண்ணீர் வடிப்பீர்களே. உங்கள் ஆச்சரியக்குறி ஆட்சி தொடர்ந்து தமிழ்நாட்டிற்கு கொடுத்து வரும் அவமானங்களை எல்லாம் பார்த்தால், உங்கள் சுயநலத்திற்காக தமிழக உரிமைகளைத் தாரைவார்க்கத் தான் ஆட்சிக்கு வந்தீர்களோ என்று தான் கேட்கத் தோன்றுகிறது.

தமிழகத்தின் ஜீவாதார உரிமையோடு,விவசாய மக்களின் வாழ்க்கையோடுவிளையாடிக் கொண்டிருக்கிறீர்கள். எம்ஜிஆர், ஜெயலலிதா, நான் என தொடர்ந்து அதிமுக கடுமையான, போராட்டங்களுக்கு பிறகு பெற்ற உரிமை இது. காவிரி மேலாண்மை ஆணையம் அமைக்க 22 நாட்கள் நாடாளுமன்றத்தையே முடக்கி நமது உரிமையை நிலைநாட்டினோம். நீரின்றி நெல் இல்லை.நெல் இன்றி குடி இல்லை.குடி இல்லையேல் கோன் எதற்கு என்று கேட்கும் நிலைக்கு தள்ளிவிடாதீர்கள்" என கூறியுள்ளார்.

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+