Guru Peyarchi: துலாம் ராசிக்கு அடிக்கும் ஜாக்பாட்.. தொழில் தொடங்கும் யோகம்
Guru Peyarchi 2026: 2026 ஆம் ஆண்டில் பல்வேறு முக்கிய கிரகங்களின் பெயர்ச்சிகள் நடைபெறவுள்ளன. வரும் மார்ச் 6 ஆம் தேதி சனிப்பெயர்ச்சி, ஜூன் 2 ஆம் தேதி குருப்பெயர்ச்சி என பல்வேறு வலிமை மிகுந்த முக்கிய கிரகங்களின் பெயர்ச்சிகள் நடைபெறவுள்ளன. குருப்பெயர்ச்சியில் துலாம் ராசியினருக்கு கிடைக்கும் பலன்கள், பரிகாரங்கள், வழிபட வேண்டிய தெய்வங்கள் குறித்து இந்த ஜோதிட கட்டுரையில் பார்க்கலாம்.
குருப்பெயர்ச்சி ஜூன் 2 ஆம் தேதி நடைபெறவுள்ளது. ஜூன் வரை மிதுன ராசியிலும், அதற்குப் பிறகு கடக ராசிக்கும் குரு பகவான் மாறுகிறார். அக்டோபர் 31 ஆம் தேதி கடகத்தில் இருந்து சிம்மத்திற்கு மாறுகிறார். இந்த காலகட்டத்தில் குரு உச்சமாக இருக்கக்கூடிய கடக ராசிக்கே குரு வருகிறார் என்பது தான் சிறப்பு. சனி பகவானால் அவதிப்பட்டுக் கொண்டிருந்தவர்களுக்கு விடுதலை கொடுக்கக் கூடிய காலகட்டமாக இந்த குருப்பெயர்ச்சி இருக்கும்.
இந்த குருப்பெயர்ச்சி காலகட்டத்தில் துலாம் ராசியினருக்கு கிடைக்கும் பலன்கள், பரிகாரங்கள், வழிபட வேண்டிய தெய்வங்கள் குறித்து இந்தப் பதிவில் விரிவாகப் பார்க்கலாம் [Guru Peyarchi].
துலாம் ராசி பலன் (Thulam Rasi Palan)
துலாம் ராசிக்காரர்களுக்கு பிரிந்தவர்கள் ஒன்று சேரும் யோகம் உண்டாகும். உங்களுக்கு எல்லா விஷயங்களும் கைகூடி வரும் நல்ல காலகட்டமாக இருக்கும். இடமாற்றம், அடுத்தகட்டத்துக்கு முன்னேறுவது போன்ற யோகங்கள் உண்டாகும். சுய ஒழுக்கத்தில் சிறு சிறு திருத்தங்களை செய்து கொள்வது நல்லது. இந்த குருப்பெயர்ச்சி காலகட்டத்தில் ஒழுக்கத்தைக் கடைப்பிடிப்பது மிகவும் முக்கியம்.
திருமண யோகம்
சுக்கிரனுக்கான ஆண்டாக இந்த ஆண்டு உள்ளது. சுக்கிரன், குரு என்று வருவதால் திருமண யோகம் உண்டாகும். குருவின் பரிபூரண ஆசிர்வாதம் கிடைப்பதால் பிடித்த மாதிரியான மண வாழ்க்கை அமையும் வாய்ப்பு உள்ளது. நீண்ட நாட்களாக குழந்தை பாக்கியம் இல்லாதவர்கள், ஆரோக்கியம் சார்ந்த, வாழ்க்கை சார்ந்த முறையில் மாற்றம் செய்வது அவசியமாகும். உணவுக் கட்டுப்பாட்டை கடைப்பிடிப்பது நல்லது. இயற்கையாகவே குழந்தை பாக்கியம் கிடைக்கும் யோகமும் உண்டு.
தொழில் தொடங்கும் யோகம்
ஜூன் மாதத்திற்குப் பிறகு தொழில் தொடங்குவது ஏற்றத்தைக் கொடுக்கும். பண வரவு அபரிமிதமானதாக இருக்கும். ஏதாவது ஒரு வகையில் பணம் வந்து கொண்டே இருக்கும். கையிருப்பு பணம் இருந்து கொண்டே இருக்கும். கடனை முழுதாக அடைக்கும் யோகம் உண்டு. கடனை அடைப்பதற்கான முயற்சிகள் அனைத்திலும் வெற்றி பெறுவீர்கள். மீண்டும் கடன் வாங்கி சிக்கிக் கொள்வது, பணத்தை முடக்குவது போன்றவற்றை தவிர்ப்பது நல்லது.
வீடு, நிலம் வாங்கும் யோகம்
தன் பக்கம் இருக்கும் நியாயத்தை, தர்மத்தை பேசி எதிரிகளிடம், வழக்குகளில் வெல்வீர்கள். சொத்துகள் வாங்குவதற்கு அற்புதமான காலகட்டமாக இருக்கும். வீடு, நிலம் வாங்குவதற்கு திட்டமிடுவது நன்மையைத் தரும். அலட்சியப்போக்கு உங்களுக்கு அதிகமாக இருக்கும். ஆரோக்கியத்திலும், உணவு சார்ந்த விஷயங்களிலும் மிகுந்த கவனமாக இருப்பது நல்லது.
வழிபாடு
காசிக்குச் சென்று அங்குள்ள பிரகஸ்பதியை வழிபாடு செய்வது அற்புதமான முன்னேற்றத்தைக் கொடுக்கும். துலாம் ராசியினருக்கு நிறைய கடல் தாண்டிய பயணங்கள் வாழ்க்கையில் முன்னேற்றத்தை ஏற்படுத்தும். ஒரு இடத்தில் இருந்து இன்னொரு இடத்திற்குச் சென்று அதற்கேற்றவாறு உங்களை தகவமைத்துக் கொள்வதே உங்களுக்கு நிறைய ஏற்றத்தைத் தரும். வெளிநாடு செல்பவர்களுக்கு மே மாதத்திற்குப் பிறகு நல்ல காலகட்டடமாக இருக்கும்.
Click it and Unblock the Notifications
Sign in with Google