Rasi Palan This Week: மேஷ ராசிக்கு 7 நாட்களில் வரும் அற்புதமான மாற்றம்.. இதில் மட்டும் கவனம்

Updated: Sunday, October 19, 2025, 9:19 [IST]

Subscribe to Oneindia Tamil

வார ராசி பலன்: அக்டோபர் 20 ஆம் தேதி முதல் 26 ஆம் தேதி வரையிலான ஐப்பசி 3 முதல் ஐப்பசி 9 ஆம் தேதி வரையிலான இந்த வாரத்திற்கான மேஷ ராசி பலன்கள் குறித்து விரிவாகப் பார்க்கலாம். இந்த வாரம் எப்படி இருக்கும், என்ன மாதிரியான பலன்கள் கிடைக்கப் போகின்றன, வழிபட வேண்டிய தெய்வங்கள் குறித்து இந்த ஜோதிட கட்டுரையில் தெரிந்து கொள்ளலாம்.

ஒவ்வொரு கிரகங்களும் குறிப்பிட்ட கால இடைவெளியில் ஒரு ராசியில் இருந்து மற்றொரு ராசிக்குப் பெயர்ச்சியாக வழக்கம். இந்த கிரகங்களின் நிலை மாற்றம் மற்றும் இடப்பெயர்ச்சியானது 12 ராசிகளிலும் தாக்கத்தை ஏற்படுத்தும். சில ராசிக்காரர்களுக்கு நல்ல பலன்களையும், சில ராசிக்காரர்களுக்கு அசுப பலன்களையும் உண்டாக்கும்.

Weekly rasi palan Mesham Lucky zodiac signs

சூரிய பகவான் துலாம் ராசியில் நீச்சமாக இருக்கக்கூடிய மாதமே ஐப்பசி. அக்டோபர் 18 ஆம் தேதி முதல் நவம்பர் 16 ஆம் தேதி வரையிலான ஐப்பசி மாதத்தில் மழை, வெள்ளம், புயல் ஏற்படுவதற்கான வாய்ப்புள்ளது. அரசியல்வாதிகள், பெரும் புகழ்மிக்கவர்கள், தொழிலதிபர்கள், உலகத் தலைவர்கள், பிரதமர்கள், ராணுவத் தளபதிகள், முப்படைத் தளபதிகள் உள்ளிட்டோர் கவனமாக இருக்க வேண்டிய காலகட்டம்.

அந்த வகையில், அக்டோபர் 20 ஆம் தேதி முதல் 26 ஆம் தேதி வரையிலான ஐப்பசி 3 ஆம் தேதி முதல் 9 ஆம் தேதி வரையிலான இந்த வாரத்திற்கான மேஷ ராசி பலன்கள் குறித்து தெரிந்து கொள்ளலாம்.

மேஷம்

மேஷம் ராசிக்காரர்களே பிறர் குடும்ப விஷயத்தில் தலையிடுவதைத் தவிர்ப்பது நல்லது. அதேபோல, உங்களுடைய குடும்ப விஷயத்திலும் மற்றவர்கள் தலையிடுவதைத் தவிர்ப்பது நன்மையை ஏற்படுத்தும். வெளியூரில் இருந்து நல்ல செய்திகள் வந்து சேரும். வியாபாரம், பணம், புதிய தொழில் தொடர்பான கவலைகள் எல்லாமே தீரும் காலகட்டமாக இருக்கும்.

தொழில்

எடுத்த காரியங்களில் வெற்றி பெறும் யோகம் உண்டாகும். இழுபறியாக இருந்த நிலைமைகள் அனைத்தும் நீங்கும். தொழிலில் அனுகூலங்கள் ஏற்படக்கூடிய அற்புதமான காலகட்டமாக இருக்கும். உத்தியோகத்தில் இருந்து வந்த பாதிப்புகள், சிக்கல்கள் எல்லாம் நீங்கும். மனதில் இருந்து வந்த சங்கடங்கள் அனைத்தும் தீர்ந்து தெளிவு பெறுவீர்கள்.

குடும்பம், காதல்

குடும்பத்தில் மனம் விட்டு பேசுவது நல்லது. வெளியில் நடக்கும் விஷயங்களுக்காக குடும்பத்தில் கடும் சொற்களைப் பயன்படுத்துவதை தவிர்ப்பது நல்லது காதல் அமைப்பில் இருப்பவர்கள் இணக்கமாகச் செல்வது நல்லது. உங்கள் துணையுடன் நேரம் செலவழித்து பொறுமையாக, அன்பாகப் பேசுவது நல்லது. இல்லையெனில் தேவையில்லாமல் பிரச்சனைகள், சங்கடங்கள் வருவதற்கான வாய்ப்புள்ளது.

பயணத்தால் அனுகூலம்

கடல் கடந்த பயணங்களை மேற்கொள்வீர்கள். அந்தப் பயணங்கள் மூலம் அனுகூலம் ஏற்படும். கடல் கடந்த பயணத்திற்கான திட்டமிடுதல் மூலமாக நீண்ட நாள் சந்திக்காத நண்பர்களை சந்திக்கும் யோகம் உண்டாகும். கழுத்து, முதுகு, கை கால் வலி ஏற்படும் வாய்ப்புள்ளது. தினந்தோறும் உடற்பயிற்சி செய்வது ஆரோக்கியத்தை மேம்படுத்தும்.

வழிபாடு

சுப காரியத்தில் சிறு சிறு தடைகள் ஏற்படுவதற்கான வாய்ப்புள்ளது. தாய் வழி உறவு, தந்தை வழி உறவு மேம்படும். எடுத்த காரியங்களில் ஜெயம் ஏற்படும். துர்க்கை வழிபாடு சந்தோஷத்தையும், மன அமைதியையும் ஏற்படுத்தும். அபிராமி அந்தாதியை படித்து வந்தால் பலவிதமான முன்னேற்றங்கள் ஏற்படும்.
அற்புதமான வாரமாக இருக்கும்.