Rasi Palan This Week: துலாம் ராசிக்கு தொழிலில் அடிக்கும் ஜாக்பாட்.. தொட்டது துலங்கும் அற்புத காலம்

Weekly Rasi Palan: ஜூன் 8 முதல் 14 ஆம் தேதி (வைகாசி 25 முதல் 31 ஆம் தேதி) வரையிலான இந்த வாரத்தில் துலாம் ராசியினருக்கு கிடைக்கும் நல்ல பலன்கள், பரிகாரங்கள், வழிபட வேண்டிய தெய்வங்கள் குறித்து இந்த ஜோதிட கட்டுரையில் விரிவாகப் பார்க்கலாம்.

2026 இல் பல்வேறு முக்கிய கிரகங்களின் இடமாற்றம் நடைபெறவுள்ளன. ஒவ்வொரு கிரகங்களும் குறிப்பிட்ட கால இடைவெளியில் ஒரு ராசியில் இருந்து மற்றொரு ராசிக்குப் பெயர்ச்சியாவது வழக்கம். இந்த கிரகங்களின் நிலை மாற்றம் மற்றும் இடப்பெயர்ச்சியானது 12 ராசிகளிலும் தாக்கத்தை ஏற்படுத்தும். சில ராசிக்காரர்களுக்கு நல்ல பலன்களையும், சில ராசிக்காரர்களுக்கு அசுப பலன்களையும் உண்டாக்கும்.

வைகாசி மாதம் பிறந்துள்ளது. வைகாசி மாதம் என்றாலே சிறப்பான மாதமாகும். முருகர் அவதரித்த மாதம். அஸ்வினி நட்சத்திரத்தில் சந்திரன் சஞ்சாரத்தை தொடங்குகிறார். 12 ஆம் இடத்தில் சனி தன் இருப்பை நிலை நிறுத்தியிருக்கிறார். செவ்வாய் துலாம் வீட்டில் ஆட்சியாகி இருக்கிறார். சுக்கிரன் மீன வீட்டில் இருக்கிறார். சூரியன் ரிஷப வீட்டில் இருந்து இந்த மாதத்தில் தனது சஞ்சாரத்தை தொடங்குவதே வைகாசி மாதமாகும். ஜூன் 2 ஆம் தேதி எல்லோரும் எதிர்பார்த்துக் காத்திருக்கும் குருப்பெயர்ச்சி நடைபெற்றுள்ளது.

அந்த வகையில், ஜூன் 8 முதல் 14 ஆம் தேதி (வைகாசி 25 முதல் 31 ஆம் தேதி) வரையிலான இந்த வாரத்தில் துலாம் ராசியினருக்கு கிடைக்கும் நல்ல பலன்கள் குறித்துப் பார்க்கலாம்.

துலாம் ராசி பலன்

துலாம் ராசியினருக்கு தொழில் ஸ்தானத்தில் நல்ல மாற்றங்கள் வரும். யாருமே உங்களை பகைத்துக் கொள்ளாத சூழல் ஏற்படும். உங்களுக்காக சில வேலைகளை மற்றவர்கள் முடித்து கொடுப்பார்கள். மனம், ஆரோக்கியத்தைப் பார்த்துக் கொள்ள வேண்டும். எடுத்த காரியங்களில் வெற்றி ஏற்படும். திட்டமிட்ட காரியங்களை நடத்தி முடிப்பீர்கள்.

தொட்டது துலங்கும்

தொட்ட காரியங்கள் துலங்கும். பெரிய மாற்றங்கள் ஏற்படும். பாக்கிய ஸ்தானத்தில் புதன் அமர்ந்திருப்பதால் தெய்வத்தின் அனுக்கிரகம், வயது மூத்தவர்களின் ஆசிர்வாதம் உண்டாகும். அறிவுசார்ந்தவர்களின் ஆதரவு கிடைக்கும். எல்லா விஷயங்ளையும் எளிமையாக செய்து முடிப்பீர்கள். தொடர்ச்சியாக இருந்து வந்த மன பாரங்கள் எல்லாம் நீங்கும்.

ஆரோக்கியம்

தொழில், உத்தியோகம், வியாபாரம், படிப்பு சம்பந்தப்பட்ட விஷயத்தில் அவசரப்படாமல் இருப்பது நல்லது. உணர்ச்சிவசப்படுவதை தவிர்க்க வேண்டும். அஷ்டமத்தில் சூரியன் அமர்ந்திருப்பதால் பின்பக்க வலி, முதுகுத் தண்டுவடம், கழிவுப் பாதை தொடர்பான பாதிப்புகள், மறைமுக உறுப்புகள் தொடர்பான பாதிப்புகளில், கழுத்துப் பகுதி, ரத்த அழுத்தம், சர்க்கரை தொடர்பான பாதிப்புகளில் கவனமாக இருக்க வேண்டும்

வழிபாடு

உறவுகளிடம் கோபத்தைக் கட்டுப்படுத்துவது நல்லது. உத்தியோகம், வியாபாரம், படிப்பு சம்பந்தப்பட்ட விஷயங்களில் ஏற்றமும், நம்பிக்கையும் ஏற்படும். இழுபறியாக இருந்த சிக்கல்கள் பரிபூரணமாக நிவர்த்தியாகும். மனதில் இருந்து வந்த சங்கடங்கள் தீரும். பூமி சம்பந்தப்பட்ட விஷயத்தில் ஏற்றம் ஏற்படும். சந்தோஷமும், பொருளாதார ஏற்றமும் 90 சதவீதம் நன்றாக இருக்கும். உக்கிர நரசிம்மர் வழிபாடு ஏற்றத்தைக் கொடுக்கும்.

English summary

Weekly Rasi Palan for Thulam (துலாம் ராசி பலன்): In this astrological article, we will examine in detail the favorable outcomes, remedial measures, and deities to be worshipped for individuals born under the sign of Thulam (Libra) during the week spanning from June 8ht to 14.