Actor Sivakumar: விஜய் முதல்வர் ஆவாரா? மௌனம் கலைத்த நடிகர் சிவகுமார்.. ஒரே வரியில் அளித்த பதில்

சென்னை: 2026 தமிழக சட்டமன்றத் தேர்தல் நெருங்கி வரும் சூழலில், அடுத்த அரியணையை அலங்கரிக்கப்போகும் கட்சி எது? என்கிற எதிர்பார்ப்பு மக்கள் மத்தியில் தற்போதே அனல் பறக்கத் தொடங்கியுள்ளது. இதற்கிடையே, சினிமாவிலிருந்து முழுமையாக விலகி, தீவிர அரசியலில் களம் கண்டுள்ள தமிழக வெற்றிக் கழகத் தலைவர் விஜய்யின் ஒவ்வொரு நகர்வும் மிக உன்னிப்பாகக் கவனிக்கப்பட்டு வருகிறது. இந்நிலையில், மூத்த நடிகர் சிவகுமாரிடம் விஜய்யின் அரசியல் எதிர்காலம் குறித்து பதில் அளித்துள்ளார்.

ஒரே மேடையில் விஜய் மற்றும் ஸ்டாலின்

சமீபத்தில் நடந்த ஒரு திருமண விழாவில் தமிழக முதல்வர் மு.க. ஸ்டாலின், ஆந்திர முன்னாள் முதல்வர் ஜெகன் மோகன் ரெட்டி மற்றும் விஜய் ஆகியோர் ஒரே மேடையில் சந்தித்துக்கொண்டது பெரும் பேசுபொருளானது. இந்நிலையில், மூத்த நடிகர் சிவகுமாரிடம் விஜய்யின் அரசியல் எதிர்காலம் குறித்து செய்தியாளர்கள் கேள்வி எழுப்பினர்.

விஜய் முதல்வர் ஆவாரா? சிவகுமார் சொன்ன பதில்

எப்போதும் எதார்த்தமாகப் பேசும் சிவகுமாரிடம், "விஜய் அரசியலுக்கு வந்திருப்பதை எப்படி பார்க்கிறீர்கள்? அவர் முதலமைச்சர் ஆவாரா?" எனக் கேட்கப்பட்டது. அதற்கு அவர், "அவர் (முதலமைச்சராக) வந்தே ஆகணும் என மக்கள் நினைத்தால் வந்துவிடுவார்" என ஒரே வரியில் நறுக்கெனப் பதிலளித்தார்.

மக்களின் தீர்ப்பே இறுதியானது

ஜனநாயகத்தில் மக்களே எஜமானர்கள் என்பதைச் சுட்டிக்காட்டும் விதமாக சிவகுமாரின் பதில் அமைந்திருந்தது. ஒரு நடிகர் அரசியலுக்கு வருவது எளிது, ஆனால் அவர் அரியணையில் அமர்வதை மக்கள் மட்டுமே தீர்மானிக்க முடியும் என்கிற எதார்த்தத்தை அவர் வெளிப்படுத்தியுள்ளார்.

2026-ல் என்ன நடக்கும்

தற்போது 2026 சட்டமன்றத் தேர்தலை இலக்காகக் கொண்டு, உறுப்பினர் சேர்க்கை எனத் தீவிரமாகச் செயல்பட்டு வருகிறார் விஜய். குறிப்பாக, இளைஞர்கள் மத்தியில் அவருக்கு இருக்கும் செல்வாக்கு மற்ற கட்சிகளுக்குச் சவாலாக இருக்கும் என எதிர்பார்க்கப்படுகிறது. விஜய்யின் அரசியல் கனவு நனவாகுமா என்பதை 2026 தேர்தல் முடிவுகள் தான் தீர்மானிக்கும்.