பாலக்கீரை.. பொல பொலன்னு உடல் எடையை குறைக்கும் பாருங்க.. அற்புதம் கொண்ட பசலைக்கீரை.. விடாதீங்க பெண்களே

சென்னை: பசலைக்கீரை அல்லது பாலக்கீரை என்பார்கள்.. இதிலுள்ள சத்துக்கள் பல உள்ளன என்றாலும், இந்த கீரை தலைக்கு பயன்படுத்தலாமா? முகப்பொலிவுக்கு பயன்படுத்தலாமா? என்து குறித்து பார்ப்போம்.

100 கிராம் பசலையில், 23 கலோரிகள், 3.6 கிராம் கார்போஹைட்ரேட், 2.9 கிராம் புரதம், 2.2 கிராம் நார்ச்சத்து, 0.4 கிராம் கொழுப்புக்கள் உள்ளன. இதைத்தவிர, வைட்டமின் A, B1, B2, B3, B6, B9 மற்றும் கணிசமான அளவு வைட்டமின் C, K, E, போன்றவை நிறைந்துள்ளன..

மேலும், மாங்கனீசு, கால்சியம், இரும்பு, மெக்னீசியம், பாஸ்பரஸ், பொட்டாசியம், துத்தநாகம் மற்றும் சோடியம் போன்ற தாதுக்கள் நிறைந்துள்ளன.

நார்ச்சத்துக்கள்: உடல் எடை குறைப்பவர்களுக்கு இந்த கீரை ஒரு வரப்பிரசாதமாகும்.. காரணம், இதிலுள்ள கரோட்டினாய்டு என்ற லுடின், கொலஸ்ட்ராலை கரைக்கும் தன்மைக்கொண்டவை. தினமும் டயட்டில் சேர்த்தால், கொலஸ்ட்ரால் குறைய துவங்கும். பசலைக்கீரையில் கொழுப்பு சத்து கிடையாது.

நிறைய நார்ச்சத்துக்கள் இதில் உள்ளன. செரிமான கோளாறுகள் ஏற்படுவதை தடுக்கின்றன. சரியான நேரத்தில் பசியை தூண்டுவதற்கு, இந்த கீரைகளில் உள்ள நார்ச்சத்துக்கள் உதவுகின்றன.. மேலும், உடலில் தேவையற்ற கலோரிகள் தங்கி உடல் எடை கூடுவதை கீரைகளில் உள்ள வைட்டமின்கள் தடுத்து நிறுத்துகின்றன.. எனவே, டயட் இருப்பவர்கள், வாரம் 2 முறையாவது, எண்ணெய் குறைவாக சேர்த்து இந்த கீரையை, சப்பாத்திக்கு கூட்டு போல செய்து சாப்பிடலாம்.

இரும்பு சத்துக்கள்: அதேபோல, பெண்களுக்கான இரும்புச்சத்துக்கள் இதில் நிறைய இருக்கிறது.. அதனால், முடி வளர்ச்சிக்கு உதவுவதுடன், ரத்த உற்பத்திக்கும் துணைபுரிகிறது.. ஹீமோகுளோபின் அளவையும் அதிகரிக்க செய்யும். பெண்களுக்கு உண்டாகும் வெள்ளைப்படுதல் பிரச்சனையை, இந்த கீரையை சமைத்து சாப்பிடுவதன் மூலமாக சரிசெய்யலாம்..

அதேபோல, இந்த கீரையை சாறு எடுத்து தவறாமல் குடித்து வந்தால், முகத்தில் ஏற்படும் சுருக்கங்கள் நீங்கிவிடும்.. அதேபோல, இந்த கீரையின் சாற்றினை, முகப்பருக்கள் மீது பூசி வந்தால், அவையும் மறைந்துவிடும்.

தலைமுடி வளர்ச்சி: இந்த கீரையை தலைமுடிக்கும் "பேக்" போல போடலாம்.. 2 கைப்பிடி அளவு கீயுடன், 2 ஸ்பூன் தயிர், 1 டேபிள் ஸ்பூன் தேங்காய் எண்ணெய் சேர்த்து மிக்சியில் அரைத்து, அதை ஹேர்பேக் போல தலையில் போட்டுக் கொள்ளலாம். பிறகு, சிறிது நேரம் கழித்து தலையை அலசினால் போதும்.. வாரம் 2 நாள் இதை செய்தாலே, முடி உதிர்வு நின்றுவிடும்.. முடியும் வளர்ச்சி பெற ஆரம்பிக்கும்.

English summary

Do you know amazing health benefits of Palak Keerai and Spinach can help women in 6 ways