இரவில் வியர்க்குதா? நைட்டில் வியர்த்தால் உஷாரா இருங்க.. இரவு அதிகம் வியர்ப்பதை தடுக்க உதவும் "பீன்ஸ்"

சென்னை: பகல் நேரத்தைவிட, இரவில் வியர்த்து கொட்டினால், உடனே மருத்துவரை சந்திக்க வேண்டும். வியர்ப்பதை அலட்சியப்படுத்தவே கூடாது.

வழக்கமாக கோடை காலத்தில் இரவில் வெப்பம் அதிகமாக இருக்கும்.. சரியான காற்றோட்ட வசதி இல்லாவிட்டாலோ, அல்லது போர்வையால் முகத்தை மூடி படுத்திருந்தாலோ அல்லது இறுக்கமான ஆடைகளை அணிந்திருந்தாலோ அல்லது மது அருந்திவிட்டு படுத்தாலோ அல்லது கவலைகள், மன அழுத்தம் அதிகமானாலோ அளவுக்கு அதிகமாக வியர்க்கலாம்.

ஆனால், இவைகள் எதுவுமே இல்லாமல், நல்ல காற்று வசதி இருந்தும்கூட, ஒருவருக்கு அதிகமாக வியர்த்தால் அது பிரச்சனைக்குரிய விஷயமாகும்..

இரவில் வியர்க்க எத்தனையோ காரணங்கள் உள்ளன.. பெண்களுக்கு இரவு நேரத்தில் அதிகமாக வியர்த்துகொட்டினால், அவர்கள் மெனோபாஸ் நிலையை எட்டிவிட்டார்கள் என்றே அர்த்தம்.. இதுபோன்ற நேரங்களில் பெண்களுக்கு உடலில் அதிக உஷ்ணம் ஏற்பட்டு, வியர்க்குமாம்.. ஈஸ்ட்ரோஜன் உற்பத்தி குறைவதால், இப்படியான அறிகுறி தெரியலாம் என்கிறார்கள்.

எனினும் வாழ்வியல் மாற்றங்களின் மூலமாக இந்தப் பிரச்சினைகளுக்கு தீர்வு காணலாம். மிக குளிர்ச்சியான அறையில் உறங்கலாம் மற்றும் மது அருந்தும் பழக்கத்தை தவிர்க்கலாம்.

தைராய்டு சுரப்பி சரியாக செயல்படாவிட்டாலும், இப்படி அதிகப்படியான வியர்வை வரலாம்.. வழக்குக்கு மாறாக உடலில் வெப்பநிலை அதிகரிக்கும். இதய துடிப்பும் வேகம் எடுத்து, கைகள் நடுங்கிவிடும்.. நிறைய பசியும், தாகமும் எடுக்கும். இந்த அறிகுறிகளில் எது தெரிந்தாலும் தைராய்டு சுரப்பியின் முறையற்ற செயல்பாடாக இருக்கலாம்.

நீரிழிவு நோயாளியாக இருந்தாலும், இந்த பிரச்சனை வரலாம்,, தூங்கி கொண்டிருக்கும்போதே குளுக்கோஸ் அளவு திடீரென்று குறைந்துவிடக்கூடும்.. பகலில் நிறைய வேலை பார்த்தாலோ, கடுமையான உடற்பயிற்சி செய்தாலோ, இரவில் தாமதமாக சாப்பிட்டாலோ இப்படி வரலாம்.. இதற்கெல்லாம் ஒரே வழி சர்க்கரையை கட்டுப்படுத்துவதுதான்.. எனவே, சரியான நேரத்துக்கு சாப்பிட்டு, சரியான நேரத்துக்கு தூங்கினாலே இந்த பிரச்சனை வராது.

சுவாச கோளாறு இருந்தாலும் இரவில் வியர்வை அதிகமாகும்.. மூக்கு முட்ட சாப்பிடுவது, கொழுப்பு நிறைந்த உணவுகள், பொரித்த உணவுகள், தக்காளி கலந்த உணவுகளை இரவில் சாப்பிடுவதை தவிர்க்க வேண்டும்.

காசநோய், நோயெதிர்ப்பு குறைபாடு, HIV வைரஸ், இதய வால்வு தொற்று, எலும்புதொற்று இப்படி உயிருக்கு ஆபத்தான நோய்த்தொற்றுகள் இரவில் வியர்வையுடன் தொடர்புடையவை என்கிறார்கள்.

எனவே, இரவில் சாதாரணமாக வியர்க்கிறது என்றால், அதை உணவு முறை மூலமே குணப்படுத்தலாம்.. அதாவது, மக்னீசியம் சத்துக்கள் அதிகமாக உள்ள உணவுகளை சாப்பிட்டு வந்தால் இரவுநேரத்தில் வியர்வை குறையும்..

மருத்துவ ஆலோசனை: விதைகள், தானியங்கள், நட்ஸ், பீன்ஸ் போன்றவற்றை சாப்பிட்டு வந்தாலும், பெண்களுக்கான மெக்னீசியம் சத்துக்கள் எளிதாக கிடைக்கும்.. பொட்டாசியம் சத்து நிறைந்த வாழைப்பழம், உருளைகிழங்கு, சிட்ரஸ் பழங்களை சாப்பிட்டு வந்தாலும் இதற்கு தீர்வு உண்டு.. அதைவிட முக்கியமாக, காஃபின், ஆல்கஹால் பழக்கத்தையும் கைவிட வேண்டும்.. ஆனால், வழக்கத்துக்கு மாறாக வியர்வைகள் அதிகமாக இருந்தால் உடனடியாக டாக்டரை சந்திக்க வேண்டும்.

English summary

Do you know why do you sweat at night and Beans is the Super Food to avoid Sweating at the night time