இன்று கேக் தருபவர்களுக்கு.. இன்னும் 20 நாளில் பொங்கல் தருவேன்.. வாக்கு மாற மாட்டேன்.. இது சத்தியம்!

சென்னை: கிறிஸ்துமஸ் பண்டிகையான இன்று கேக் தராத நண்பர்களை மீம்ஸ் போட்டு சமூகவலைதளங்களில் நட்பாக கலாய்த்து வருகின்றனர் நெட்டிசன்கள்.

ஒரு பண்டிகைக்கு போனிலோ, நேரிலோ அல்லது சமூகவலைதளங்களிலோ ஒரு வாழ்த்து வருகிறது என்றால், அது வாழ்த்து மட்டும் இல்லை, அதில் 'அந்தப் பண்டிகைக்கு செய்த பலகாரங்களை தரவும்' என்ற செய்தியும் மறைந்திருக்கிறது என்பது நம்மில் பலருக்கு புரிவதே இல்லை. அதனால் இதுபோன்ற வாழ்த்துகளுக்கு தேங்க்ஸ் என்ற ஒற்றை வார்த்தையோடு அவர்கள் முடித்துக் கொள்கின்றனர்.

ஆனால், 'அப்படியெல்லாம் சும்மா விட்டுட முடியாது' என பருத்திவீரன் ரேஞ்சுக்கு நமது மீமர்கள் மீம்ஸ்களோடு ஒவ்வொரு பண்டிகைக்கும் களமிறங்கி விடுகின்றனர். அதுவும் குறிப்பாக ரம்ஜான் மற்றும் கிறிஸ்துமஸ் என்றால் கொஞ்சம் ஸ்பெஷல்தான். காரணம் இந்த இரண்டு பண்டிகைகளுக்கும்தான் கேக்கும், பிரியாணியும் கிடைக்கும்.

இந்த வருடமும் அதே பாலிசியை கையில் எடுத்துள்ளனர் நெட்டிசன்கள். நட்பாக கிறிஸ்தவ நண்பர்களிடம் வாழ்த்துகளைக் கூறியதோடு, கேக்கும் கேட்டு, 'கேக்'குதா.. கேக்குதா' என மீம்ஸ்களைப் பகிர்ந்து வருகின்றனர் சமூகவலைதளங்களில்.

இதோ அப்படியாக நம் கண்ணில் பட்ட நகைச்சுவையான சில கிறிஸ்துமஸ் ஸ்பெஷல் மீம்ஸ்களின் தொகுப்பு உங்களுக்காக...

English summary

These are some jolly memes collection on new year and Christmas.