"தூங்கிட்டான் சார்..” இதென்ன தட்டி தூக்கும்னு பார்த்தா குட்டி தூக்கம் போடுது.. பெங்கல் புயல் மீம்ஸ்!

Published: Friday, November 29, 2024, 14:17 [IST]

Subscribe to Oneindia Tamil

சென்னை: 'ட்விஸ்ட்' மேல் ட்விஸ்ட் கொடுத்துக் கொண்டிருக்கிறது ஃபெங்கல் புயல். புயல் எச்சரிக்கையால் அச்சத்தில் இருந்த மக்கள், இப்போது, 'ஃபெங்கல்' புயலை பார்த்து வருவியா மாட்டியா என மீம் போடும் அளவுக்கு கண்ணாமூச்சி ஆடிக் கொண்டிருக்கிறது புயல். ஃபெங்கல் புயலை வைத்து சமூக வலைதளங்களில் பரவி வரும் மீம்ஸ் சிலவற்றை பார்க்கலாம்.

தென் மேற்கு வங்கக்கடலில் நிலவி வந்த காற்றழுத்த மண்டலம் புயலாக மாறும் என்று சென்னை வானிலை மையம் அறிவித்துள்ளது. இன்று (நவம்பர் 29) புயலாக வலுப்பெற்று நாளை (நவம்பர் 30) பிற்பகலில் வடதமிழகம் மற்றும் புதுச்சேரிக்கு இடையே கரையைக் கடக்கும் என்று தெரிவிக்கப்பட்டுள்ளது. புயல் கரையை கடக்கும்போது மணிக்கு 70 கி.மீ முதல் 90 கி.மீ வேகத்தில் காற்று வீசக்கூடும் என்று வானிலை மையம் தெரிவித்துள்ளது.

முன்னதாக, வங்கக்கடலில் நிலைகொண்டுள்ள ஆழ்ந்த காற்றழுத்த தாழ்வு மண்டலம் நவ.27 புயலாக வலுப்பெறும் என கடந்த 26 ஆம் தேதி அறிவிக்கப்பட்டிருந்தது. அதைத்தொடர்ந்து, ஆழ்ந்த காற்றழுத்த தாழ்வு மண்டலம் நகராமல் ஒரே இடத்தில் நிலை கொண்டிருந்ததால் புயல் உருவாவதில் தாமதம் ஏற்படும் எனத் தெரிவிக்கப்பட்டிருந்தது. இதைத்தொடர்ந்து, தற்காலிக புயலாக மாறும் என வானிலை மையம் தெரிவித்தது.

காற்றழுத்த தாழ்வு மண்டலம் புயலாக வலுப்பெற்று, கரையை நெருங்கும் போது வலுவிழந்து மீண்டும் தாழ்வு மண்டலமாகவே கரையைக் கடக்கும் என்று நேற்று காலை கூறப்பட்டிருந்தது. நேற்று மாலை நிலவரப்படி புயல் உருவாகாது என்றும் தாழ்வு மண்டலமாக வலுவிழந்து கரையைக் கடக்கும் என்று கணிக்கப்பட்டிருந்தது. இந்நிலையில், தற்போது புயலாக வலுப்பெற்று கரையைக் கடக்கும் என வானிலை ஆய்வு மையம் தெரிவித்துள்ளது.

இருக்கு.. ஆனா இல்லை என கண்ணாமூச்சி காட்டி வரும் 'ஃபெங்கல்' புயல் பற்றி, நெட்டிசன்கள் மீம்களை பகிர்ந்து வருகின்றனர். அவற்றில் சிலவற்றை இங்கே பார்க்கலாம்.

புயல் வருமா? வராதா? நம்பலாமா..? வேண்டாமா? உண்மையிலேயே ஃபெங்கல்னு புயல் இருக்கா? இல்ல புரளியா?