நேத்து வெடி வெடிச்சதுல ஊர்ல ஒரு நாயும் இல்லயாம்.. அதனால பழைய சோத்தை எனக்கு போடுறாங்க என் ஒய்ப்!
சென்னை : தீபாவளி முடிந்து விட்டாலும், இன்றும் அரசு விடுமுறை என்பதால், பட்டாசு வெடித்து இன்னமும் தங்களது தீபாவளி கொண்டாட்டத்தை மக்கள் தொடர்ந்து வருவதுபோல், சமூகவலைதளங்களிலும் மீம்ஸ் கொண்டாட்டம் தொடர்ந்து வருகிறது.
தீபாவளிக்கு வாங்கிய பட்டாசுகள் தீரும்வரை வெடித்துத் தீர்ப்பது என முடிவெடுத்து விட்டனர் போலும் நம் மக்கள். அதனால்தான் தீபாவளி முடிந்து விட்டாலும், இன்றும் தீபாவளி மாதிரி காலையில் இருந்து இரவு வரை பட்டாசு சத்தங்கள் காதில் கேட்ட வண்ணமே உள்ளது. இரவுகளிலும் வாண வேடிக்கை களை கட்டி வருகிறது.
வீதிகளில் பட்டாசு கொண்டாட்டங்கள் தொடர்வது மாதிரி, சமூகவலைதளங்களிலும் இன்று தீபாவளி கொண்டாட்டத்தை பட்டாசு மீம்ஸ்களால் கொண்டாடி வருகின்றனர் நம் நெட்டிசன்கள். 'டேய் புஸ்வானம்.. எதுக்கும் கொஞ்சம் தள்ளியே இரு.. உன்னலாம் நம்ப முடியாது!' என்பதில் ஆரம்பித்து, 'நேத்து வெடி வெடிச்சதுல ஊர்ல ஒரு நாயும் இல்லயாம்.. அதனால பழைய சோத்தை எனக்கு போடுறாங்க என் ஒய்ப்!' என்பது வரை விதவிதமாக பட்டாசு மீம்ஸ்கள் இணையத்தை கலக்கி வருகின்றன.
இதோ அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google