தலைவன் ரேஞ்ச்சே வேற லெவல்தான்.. மீம்ஸ்ல மட்டுமில்ல.. எமோஜிக்கும் டப் கொடுக்கிறாரே!

உலக எமோஜி தினத்தையொட்டி, நடிகர் வடிவேலுவின் புகைப்படங்களை எமோஜிகளோடு ஒப்பிட்டு மீம்ஸ்களைப் பகிர்ந்து வருகின்றனர்.

சென்னை: உலக எமோஜி தினத்தையொட்டி, மீம்ஸ் டெம்ப்ளேட்டுகளின் நாயகனான நடிகர் வடிவேலுவின் புகைப்படங்களை, விதவிதமான எமோஜிக்களோடு ஒப்பிட்டு மீம்ஸ்களாகப் பகிர்ந்து வருகின்றனர்.

கலாய்ப்பதாகட்டும், கருத்து சொல்வதாகட்டும் எந்தவொரு மீம்ஸுக்கும் கனக்கச்சிதமாக பொருந்தி விடும் வடிவேலு பட காமெடிகள். வடிவேலுவின் ரியாக்சனை எந்தவொரு இடத்திலும் சுலபமாக பொருத்திக் கொள்ள முடியும். இதனாலேயே மீம்ஸ் டெம்ப்ளேட்டுகளின் நாயகனாக வடிவேலுவை மீமர்கள் கொண்டாடுகிறார்கள்.

இந்நிலையில், உலக எமோஜி தினத்தை முன்னிட்டு வித்தியாசமான முயற்சி ஒன்றைச் செய்திருக்கிறார்கள் மீமர்கள். அதாவது வடிவேலுவின் ரியாக்சன்களை விதவிதமான எமோஜிக்களோடு ஒப்பிட்டிருக்கிறார்கள். இதில் என்ன ஆச்சர்யம் என்றால், அந்த எமோஜி மனித முகத்தோடு இருந்தால், அது இப்படித்தான் இருக்கும் என்பது போல, வடிவேலுவின் ரியாக்சன்கள் பல அதனோடு கச்சிதமாகப் பொருந்திப் போய் இருக்கிறது.

இதோ அவற்றில் சில உங்கள் பார்வைக்கு...

English summary

These are some jolly memes collections on emoji with actor vadivelu images.