வாழ்த்து சொன்னது ஒரு குத்தம்மா.. இப்டி மீம்ஸ் போட்டு கலாய்க்கறாங்களே!

தந்தையர் தினம் பற்றிய ஜாலி மீம்ஸ்களின் தொகுப்பு.

Published: Thursday, June 16, 2022, 22:06 [IST]

Subscribe to Oneindia Tamil

சென்னை: மகளிர் தினம், அன்னையர் தினம் என பெண்கள் சம்பந்தப்பட்ட தினங்களாகத்தான் கொண்டாடுகிறார்கள், ஆண்களைக் கண்டுகொள்வதே இல்லை என்ற ஆதங்கத்தைப் போக்க, தந்தையர் தினக் கொண்டாட்டத்தை நான்கு நாட்களுக்கு முன்னதாகவே மீம்ஸ் போட்டு கொண்டாட ஆரம்பித்து விட்டனர் நெட்டிசன்கள்.

இந்தாண்டிற்கான தந்தையர் தினம் வரும் ஞாயிறு(ஜூன் 19) அன்று கொண்டாடப்பட இருக்கிறது. சமூகவலைதளங்களில் எப்போதுமே பெண்கள் சம்பந்தப்பட்ட தினங்களுக்கு இருக்கும் அளவிற்கு, ஆண்களின் தினங்களுக்கு கொண்டாட்டங்கள் இருப்பதில்லை என்ற ஆதங்கம் ஆண்கள் மத்தியில் உள்ளது. இதனாலேயே ஆண்கள் தினம், தந்தையர் தினம் போன்ற தினங்களில், கவுண்டமணியின் டெம்ப்ளேட்டை வைத்து, 'உன்னையெல்லாம் யார் மதிக்கப் போறாங்க.. உன்னை நீயே வாழ்த்திக்கிட்டாதான் உண்டு' என்ற ரேஞ்சில் மீம்ஸ்களைப் பகிரத் தொடங்கி விடுவார்கள்.

ஆனால் இந்தாண்டு நிலைமை அப்படியில்லை. ஆண்கள் ரொம்பவும் பீல் பண்ணக் கூடாது என, தந்தையர் தினத்திற்கு இடையில் இரண்டு தினங்கள் உள்ள நிலையில், இன்றே சமூகவலைதளங்களில் மீம்ஸ் போட்டு கொண்டாடத் தொடங்கி விட்டனர் நெட்டிசன்கள். மானே, தேனே போட்டெல்லாம் கவிதையைப் பகிரவில்லை.. வழக்கம் போலவே தந்தைக்கும், பிள்ளைகளுக்குமான உறவு எப்படி இருக்கும் என்ற யதார்த்தத்தை வெளிப்படுத்தும் படியாக ஜாலியான மீம்ஸ்களாகப் பகிர்ந்து வருகின்றனர்.