பிரியாணிக்கு ஆசைப்பட்டு.. கடைசில புளியோதரையாவது ஓகேனு நினைக்கறப்போ.. தட்டுல உப்புமாதான் கிடக்கும்!

ஞாயிறு ஸ்பெஷலாக சாப்பாடு, துணி துவைப்பது, முடி வெட்டுவது என விதவிதமான கான்செப்ட்களில் மீம்ஸ்களைப் பகிர்ந்து வருகின்றனர் நெட்டிசன்கள்.

சென்னை: ஞாயிற்றுக்கிழமை அலுவலக வேலைக்குத்தான் விடுமுறையே தவிர, மீம்ஸ் போடுவதற்கு அல்ல என்பதை நிரூபிக்கும் விதமாக விதவிதமான கலக்கல் மீம்ஸ்களைப் பகிர்ந்து வருகின்றனர் நெட்டிசன்கள்.

வாரத்தில் வருவது என்னவோ ஒரே ஒரு ஞாயிற்றுக்கிழமைதான். ஆனால், அன்றைய நாளுக்காக அவ்வளவு வேலைகள் இருக்கும். இதில் போதாக்குறைக்கு ஏதாவது விஷேச வீட்டு அழைப்பு வந்துவிட்டால், அவ்வளவுதான். அன்றைய பொழுது விழாவுக்கு கிளம்புவதற்கும், அங்கு கலந்து கொள்வதற்கும் என்றே முடிந்து விடும்.

சரி, வெளியில் செல்லும் வேலை இல்லை என நினைத்து நிம்மதி பெருமூச்சு விடலாம் என்றால், பெரும்பாலான ஞாயிற்றுக்கிழமைகள் அதற்கும் ஒத்துழைக்காது. துணி துவைக்க வேண்டும், முடி வெட்ட வேண்டும், வீட்டைச் சுத்தப்படுத்த வேண்டும், அசைவம் சமைக்க வேண்டும், அதை ருசித்துச் சாப்பிட வேண்டும் என ஆயிரத்தெட்டு வேலைகள் வரிசை கட்டி நிற்கும்.

போதாக்குறைக்கு, இப்படி தங்களது ஞாயிற்றுக்கிழமைகளைப் பற்றி வாராவாரம் மீம்ஸ்களாகப் பகிர்வதை வேறு ஒரு கடமையாகவே செய்து வருகின்றனர் நம் நெட்டிசன்கள். இதோ அப்படியாக சமூகவலைதளங்களில் நம் கண்ணில் பட்ட நகைச்சுவையான சில ஞாயிறு ஸ்பெஷல் மீம்ஸ்கள் உங்களுக்காக...

English summary

These are some jolly memes collections on Sunday routine.